मुंबई: बॉलिवूड स्टार्सनी यंदा व्हेकेशनसाठी मालदीवला पसंती दिली आहे. अभिनेत्री सुद्धा सध्या मालदीवमध्ये व्हेकेशन एन्जॉय करत आहे. तिनं सोशल मीडियावर काही फोटो आणि व्हिडीओ शेअर केले आहेत. जे सध्या खूप व्हायरल होताना दिसत आहे. याशिवाय तिचा एक व्हिडीओ सोशल मीडियावर व्हायरल होत आहे. ज्यात ती 'कहो ना प्यार है' या गाण्यावर डान्स करताना दिसत आहे. सध्या आलिया भट्ट तिच्या मैत्रीणी अनुष्का, आकांक्षा आणि बहीण शाहिन यांच्यासोबत मालदीवमध्ये व्हेकेशन एन्जॉय करत आहे. या व्हेकेशनचे काही फोटो आणि व्हिडीओ तिनं तिच्या इन्स्टाग्रामवर शेअर केले आहेत. ज्यात या तिघीही धम्माल मस्ती करताना दिसत आहे. यातील एका व्हिडीओमध्ये आलिया, अनुष्का आणि आकांक्षा 'कहो ना प्यार है' या गाण्याच्या काही डान्स स्टेप करताना दिसत आहेत. याशिवाय आकांक्षानंही तिच्या इन्स्टाग्राम स्टोरीवर एक व्हिडीओ शेअर केला आहे. ज्यात या सर्वजण मालदीवच्या समुद्र किनाऱ्यावर लंच करताना दिसत आहेत. आलिया भट्ट व्यतिरिक्त आकांक्षा, शाहिन आणि अनुष्का यांनी सुद्धा त्यांच्या सोशल मीडियावर या व्हेकेशनचे फोटो शेअर केले आहेत. जे खूप व्हायरल झाले आहेत. शाहिननं तिच्या इन्स्टाग्राम स्टोरीवर काही फोटो शेअर केले आहे. ज्यात मालदीवच्या किनाऱ्यांचं सौंदर्य पाहायला मिळत आहे. आलियाच्या वर्कफ्रंट बद्दल बोलायचं तर ती शेवटची 'सडक २' मध्ये दिसली होती. रणबीर कपूरसोबत ती लवकरच 'ब्रह्मास्त्र'मध्ये दिसणार आहे. करोना व्हायरसमुळे हा चित्रपट अद्याप रिलीज होऊ शकलेला नाही. याशिवाय तिच्याकडे संजय लीला भन्साळी यांचा 'गंगूबाई काठियावाडी' हा चित्रपट आहे. तसेच ती 'RRR'मध्येही दिसणार आहे. ज्यात साऊथ सुपरस्टार ज्यूनिअर एनटीआर, रामचरण आणि बॉलिवूड अभिनेता अजय देवगण यांच्या मुख्य भूमिका आहेत.
from Marathi Bollywood News, Marathi Cinema News https://ift.tt/2OkuoYZ
