मुंबई- गेल्या अनेक महिन्यांपासून आमिर खानची मुलगी आणि त्याचा फिटनेच कोच यांच्या नात्याबद्दल बोललं जात होतं. आतापर्यंत दोघांनीही याबद्दल खुलासा केला नव्हता. पण आता इराने तिच्या सोशल मीडिया अकाउंटवर ती नुपूरसोबत रिलेशनशिपमध्ये असल्यावर मोहर लावली आहे. व्हॅलेन्टाइनचं औचित्य साधून तिने नुपूरसोबतचे काही रोमॅण्टिक फोटो शेअर केले आहेत. इराचा हा नवा मराठमोळा प्रियकर नुपूर शिखरे आहे तरी कोण ते आज जाणून घेऊ. १. नुपूर शिखरे हा व्यवसायाने फिटनेस ट्रेनर आहे. गेल्या काही महिन्यांपासून तो इराला ट्रेन करत आहे. इराने ट्रेनिंग दरम्यानचे अनेक फोटो सोशल मीडियावर शेअर केले आहेत. २. नुपूर फक्त इरालाच नाही तर परफेक्शनिस्ट आमिर खानचाही फिटनेस ट्रेनर आहे. आमिरमुळेच इरा आणि नुपूरची ओळख झाली असं म्हटलं तर चुकीचं होणार नाही. ३. असं म्हटलं जातं की, लॉकडाउनदरम्यान या दोघांमध्ये जवळीक वाढली. याच काळात त्यांनी नात्यात येण्याचा निर्णय घेतला. दोघंही एकमेकांसोबतचे अनेक फोटो आणि व्हिडिओ शेअर करत असतात. ४. फक्त आमिर आणि इराच नाही तर नुपूर दशकापासून सुश्मिता सेनसोबत तिचा फिटनेस ट्रेनर म्हणून काम करत आहे. ५. एवढंच नाही तर इराने तिची आई रीना दत्तशी नुपूरची ओळख करुन दिली असंही म्हटलं जात आहे. ६. गेल्यावर्षी इरा आणि नुपूर यांनी एकत्र दिवाळी आणि नाताळ असे सण एकत्र साजरे केले. नुपूरने या दिवसांचे फोटो इन्स्टाग्रामवरही शेअर केले आहेत. ७. नुपूर इराच्या चुलत भावाच्या लग्नालाही गेला होता. इराने तिच्या संपूर्ण कुटुंबाशी नुपूरची ओळख करून दिली. त्याचबरोबर इराचेही नुपूरच्या कुटूंबाशी चांगले संबंध आहेत. ८. विशेष म्हणजे इराने तिचा टॅटू आर्टिस्टचा कोर्स पूर्ण झाल्यानंतर नुपूरच्या हातावर पहिला टॅटू गोंदवला होता. नुपूरच्या हातावरचा फोटो तिने सोशल मीडियावर शेअर केला होता. ९. नुपूर फक्त फिटनेस ट्रेनर नाहीए तर तो एक डान्सरही आहे. काही वर्षांपासून तो त्याचे डान्स व्हिडिओही सोशल मीडियावर शेअर करत असतो. १०. रिपोर्टनुसार, नुपूरने गेल्या वर्षी डिसेंबरमध्ये झालेल्या आमिर खान आणि किरण राव यांच्या लग्नाच्या वाढदिवसाच्या पार्टीलाही उपस्थिती लावली होती. ही पार्टी गिर राष्ट्रीय उद्यानात देण्यात आली होती.
from Marathi Bollywood News, Marathi Cinema News https://ift.tt/3pbNzAD
