मुंबई: बॉलिवूड अभिनेत्री फक्त तिच्या सुंदर दिसण्यासाठीच नाही तर फिटनेससाठी सुद्धा ओळखली जाते. दिशा नेहमीच सोशल मीडियावर तिचे फोटो आणि व्हिडीओ सोशल मीडियावर शेअर करताना दिसते. जागतिक महिला दिनाच्या निमित्तानं दिशानं तिच्या ट्विटरवर नुकताच एक व्हिडीओ शेअर केला आहे. ज्याची चर्चा सोशल मीडियावर होताना दिसत आहे. सोशल मीडियावर व्हायरल झालेल्या या व्हिडीओमध्ये दिशा पाटनी तिच्या ट्रेनरसोबत फ्लाइंग बॅक किकचा सराव करताना दिसत आहे. याचा एक छोटीशी झलक शेअर करताना दिशा पाटनीनं तिच्या ट्रेनरचे आभार मानले आहेत. दिशानं लिहिलं, महिला दिनाच्या शुभेच्छा. मला एवढं मजबूत बनवण्यासाठी धन्यवाद राकेश यादव. दिशा पाटनीनं ट्विटरवर हा व्हिडीओ शेअर केल्यानंतर तिचे चाहते कौतुक करताना दिसत आहे. पण अशात एका चाहत्याच्या कमेंटनं मात्र सर्वांचं लक्ष वेधून घेतलं आहे. या युझरनं दिशाच्या व्हिडीओवर कमेंट करताना लिहिलं, 'सराव कर आणि एखाद्या दिवशी याचा वापर टागरवर करून पाहा.' आणखी एका युझरनं दिशाच्या या व्हिडीओवर कमेंट करताना लिहिलं, 'आता थोडा अभिनयाचा सुद्धा सराव कर आणि त्या टायगरला सुद्धा सोबत घेऊन जा.' अशाप्रकारे व्हिडीओ शेअर करण्याची दिशाची ही पहिलीच वेळ नाही. याआधीही तिनं अनेकदा अशाप्रकारेच स्टंट व्हिडीओ सोशल मीडियावर शेअर केले आहेत. दिशाच्या वर्कफ्रंट बद्दल बोलायचं तर ती शेवटची मागच्या वर्षी रिलीज झालेल्या 'मलंग' चित्रपटात दिसली होती. त्यानंतर आता लवकरच ती सलमान खानसोबत 'राधे: युअर मोस्ट वॉन्टेड भाई'मध्ये दिसणार आहे. हा चित्रपट ईदच्या दिवशी रिलीज होणार असल्याचं बोललं जात आहे. याशिवाय सध्या दिशा 'एक व्हिलन रिटर्न्स'च्या शूटिंगमध्ये बिझी आहे. या चित्रपटात ती अभिनेता जॉन अब्राहमसोबत स्क्रिन शेअर करणार आहे.
from Marathi Bollywood News, Marathi Cinema News https://ift.tt/3erPqj0
