मुंबई: मराठमोळा अभिनेता लवकरच या हॉरर चित्रपटातून प्रेक्षकांच्या भेटीला येत आहे. या चित्रपटाची पोस्टर रिलीज झाल्यापासून प्रेक्षकांच्या मनात चित्रपटाबाबात खूपच उत्सुकता आहे. नुकताच या चित्रपटाचा टीझर रिलीज झाला. ज्याची सोशल मीडियावर जोरदार चर्चा सुरू आहे. या टीझरनं प्रेक्षकांची चित्रपटाबाबतची उत्कंठा शिगेला पोहोचली आहे. नुकत्याच रिलीज झालेल्या टीझरमध्ये क्षीण आवाजातील एका आईचे आर्त उद्गार कानी पडतात. ‘बाळा’ अशी आर्त हाक ती कुणाला तरी घालते आहे. त्यानंतर या चित्रपटाचा नायक स्वप्नील जोशी एका पडक्या वाडारुपी रुग्णालयात कुणाचा तरी शोध घेताना दिसतो. ‘मी इथेच आहे बाळा,’ असा त्या आईचा काहीसा घाबरलेला आवाज ऐकू येतो. त्या पाठोपाठ ‘एलिझाबेथ’ अशी हाक ऐकू येते. त्यानंतर ‘घाबरू नकोस...’ म्हणत आपल्या बाळाला धीर देत असेलेला आईचा आवाज पुन्हा ऐकू येतो. काही सेकंदांचा हा टीझर प्रेक्षकांच्या मनात भीती निर्माण करतो. अंगावर शहारा आणतो. ही एलिझाबेथ कोण, त्यातील आईचे आणि तिचे काही नाते आहे का? चित्रपटाचा नायक स्वप्निल जोशी कुणाचा शोध घेत आहे? असे असंख्य प्रश्न प्रेक्षकांना हा टीझर पाहिल्यावर पडल्याशिवाय राहत नाहीत. या चित्रपटात स्वप्नील जोशीसोबत अभिनेत्री सुद्धा मुख्य भूमिकेत आहे. ‘लपाछपी’ या तीन वर्षांपूर्वी आलेल्या आणि गाजलेल्या थ्रिलर चित्रपटाने प्रकाशझोतात आलेले दिग्दर्शक विशाल फुरिया ‘बळी’बद्दल म्हणाले, ''लपाछपी'पेक्षाही हा वेगळा चित्रपट आहे आणि त्याची प्रचीती प्रेक्षकांना या टीझरवरून आली असेल. यातील प्रत्येक कलाकाराने आपली भूमिका उत्तमरित्या साकारली आहे. निर्मिती मूल्यांमध्ये निर्मात्यांनी कोणतीच कसर सोडलेली नाही. त्यामुळे एक उत्तम चित्रपट प्रेक्षकांचा भेटीला येत आहे.' हा चित्रपट येत्या १६ एप्रिलला रिलीज होणार आहे.
from Marathi Bollywood News, Marathi Cinema News https://ift.tt/2P5oOdj
