मुंबई: करोना व्हायरस प्रतिबंधक लस बाजारात आली असली आणि लसीकरणाला सुरुवात झाली असली तरीही करोनाग्रस्तांची संख्या सुद्धा तेवढीच झपाट्यानं वाढताना दिसत आहे. बॉलिवूडमध्येही अनेक सेलिब्रेटींना करोनाची लागण झाली होती. ज्यात अमिताभ बच्चन, अभिषेक बच्चन, अर्जुन कपूर, , मलायक अरोरा अशा कलाकारांचा समावेश होता. आता यात अभिनेता रणबीर कपूरची सुद्धा भर पडली आहे. काही वेळापूर्वीच रणबीरची तब्येत बिघडल्याचं आणि त्याला करोना झाल्याचं बोललं जात होतं. त्यानंतर आता रणबीरची आई नीतू कपूर यांनी रणबीरची करोना चाचणी पॉझिटिव्ह आल्याच्या वृत्ताला दुजोरा दिला आहे. नीतू कपूर यांनी इन्स्टाग्रामवर एक पोस्ट शेअर करत रणबीर कपूरची करोना चाचणी पॉझिटिव्ह आल्याच्या वृत्ताला दुजोरा दिला आहे. त्यांनी लिहिलं, तुम्ही सर्वांनी व्यक्त केलेल्या काळजीसाठी आणि दिलेल्या शुभेच्छांसाठी सर्वांचे आभार. रणबीरची चाचणी पॉझिटिव्ह आली आहे. त्याच्यावर सध्या उपचार सुरू असून तो उपचारांना चांगला प्रतिसाद देत आहे. रणबीरला घरीच क्वारंटाइन करण्यात आलं असून आवश्यक ती सर्व काळजी घेतली जात आहे.' पिंकव्हिलाशी बोलताना रणबीरचे काका रणधीर कपूर यांनी रणबीरची तब्येत ठीक नसल्याचं सांगितलं होतं. मात्र याबाबत मला जास्त माहिती नाही. रणबीरला करोना झाला आहे की नाही हे मी आत्ताच सांगू शकत नाही असंही त्यांनी स्पष्ट केलं होतं. काही काळापूर्वी रणबीरची आई नीतू कपूर यांचीही करोना चाचणी पॉझिटीव्ह आली होती. त्यातून उपचार घेऊन त्या रिकव्हरही झाल्या होत्या. रणबीर कपूरच्या वर्कफ्रंटबद्दल बोलायचं तर तो लवकरच आलिया भट्टसोबत अयान मुखर्जीच्या 'ब्रह्मास्त्र' चित्रपटातून प्रेक्षकांच्या भेटीला येणार आहे. या चित्रपटाची चर्चा मागच्या वर्षभरापासून सुरू आहे. अशात रणबीरची करोना चाचणी पॉझिटीव्ह येणं फक्त आलियासाठीच नाही तर संपूर्ण चित्रपटाच्या टीमसाठी डोकेदुखी ठरू शकते. 'ब्रह्मास्त्र'मध्ये आणि आलिया भट्ट यांच्या व्यतिरिक्त अभितात्र बच्चन, मौनी रॉय यांच्याही महत्त्वपूर्ण भूमिका आहेत. याशिवाय रणबीर 'अॅनिमल'मध्ये परिणिती चोप्रा आणि अनिल कपूर यांच्यासोबत दिसणार आहे.
from Marathi Bollywood News, Marathi Cinema News https://ift.tt/2OELv7F
