मुंबई: बॉलिवूडचे काही सेलिब्रेटी हे त्यांचा अभिनय आणि स्टाइल यासाठीच नाही तर महागडी गाड्यांसाठी प्रसिद्ध आहेत. अनेक बॉलिवूड कलाकारांकडे महागड्या गाड्यांचं कलेक्शन आहे. नुकतीच करिना कपूर आणि सैफ अली खाननं मर्सडीझ एसयूव्हीची टेस्ट ड्राइव्ह केली. या कारची किंमती कोट्यवधीच्या घरात आहे. त्यानंतर आता अभिनेता सुद्धा बीएमडब्ल्यूच्या महागड्या एसयूव्हीची टेस्ट ड्राइव्ह करताना दिसला आहे. शाहिद कपूरनं २०१९ मध्ये BMW ची R1250 ही महागडी बाइक खरेदी केली होती. त्यानंतर आता तो BMW X7 एसयूव्ही खरेदी करणार असल्याचं बोललं जात आहे. कंपनीनं शाहिदच्या जुहू येथील घरी या कारचे दोन व्हेरियंट टेस्ट ड्राइव्हसाठी पाठवले होते. या गाडीची किंमत ९३ लाखांपासून १.६५ कोटी रुपयांपर्यंत आहे. शाहिदनं या दोन्ही गाड्यांची टेस्ट ड्राइव्ह केली. शाहिदच्या एक दिवस अगोदरच आणि करिना कपूर यांनीही नव्या कारची टेस्ट ड्राइव्ह केली होती. ज्याची किंमत कोट्यवधीमध्ये आहे. व्हाइट कलरच्या शानदार एसयूव्हीमधून करिना या टेस्ट ड्राइव्हसाठी गेले होते. सैफनं ज्या कारची ट्रायल केली ती बेंझ जी क्‍लास v8 biturbo आहे. या कारची शो-रुम किंमत १.६२ कोटी रुपये आहे. शाहिद कपूरच्या वर्कफ्रंट बद्दल बोलायचं तर तो शेवटचा कबीर सिंग चित्रपटात दिसला होता. या त्याचा चित्रपट बॉक्स ऑफिसवर तुफान चालला. त्यानंतर आता लवकरच तो जर्सी चित्रपटातून प्रेक्षकांच्या भेटीला येणार आहे. या चित्रपटात शाहिद एका क्रिकेटरची भूमिका साकारत आहे. या चित्रपटात शाहिदसोबत मृणाल ठाकूर आणि पंकज कपूर यांच्या महत्त्वपूर्ण भूमिका आहेत.
from Marathi Bollywood News, Marathi Cinema News https://ift.tt/2PSXlMf
