मुंबई- बॉलिवूडमध्ये कलाकारांकडून होणाऱ्या एका चुकीचं देखील भांडवल बनवलं जातं. त्यांच्या प्रत्येक छोट्या छोट्या हालचालींवर चाहते नजर ठेवून असतात. त्यांच्या बारीक सारीक चुकांवरदेखील त्यांना ट्रोल केलं जातं. अनेकदा कलाकार त्यांच्या ट्रोलिंगला सडेतोड उत्तर देताना दिसतात तर काही कलाकार त्याकडे जाणीवपूर्वक दुर्लक्ष करतात. असाच काहीसा प्रकार बॉलिवूडची प्रसिद्ध अभिनेत्री सारा अली खान सोबतही घडला आहे. नुकताच साराच्या एका छोट्याश्या चुकीमुळे तिला ट्रोलर्सच्या ट्रोलिंगचा सामना करावा लागला आहे. एका चित्रीकरणादरम्यान सारा चाहत्यांच्या प्रश्नांची उत्तरं देत असताना हा प्रकार घडला. साराचा हा व्हिडीओ सोशल मीडियावर प्रचंड वायरल होत आहे. बॉलिवूडमध्ये सारा तिच्या गोड वागण्यामुळे चाहत्यांमध्ये प्रसिद्ध आहे. सोशल मीडियावर साराचे लाखो चाहते आहेत. तिने शेअर केलेल्या फोटोंवर चाहत्यांकडून लाईक आणि कमेंटच्या वर्षाव होत असतो. सारा तिचं चित्रीकरण संपवून व्हॅनिटी व्हॅन मध्ये जात असताना तिला कॅमेरामन काही प्रश्न विचारतो. व्हिडीओमध्ये फोटोग्राफर तिला म्हणतो, 'इकडे या, इकडे या, व्हिडीओ काढत आहे.' त्याचे हे शब्द पुन्हा उच्चारात सारा हसू लागते आणि तिथेच उभी राहते. त्यानंतर फोटोग्राफर तिला विचारतो, 'आजकाल साराची शायरी ऐकायला मिळत नाहीये.' त्यावर सारा म्हणते, 'नाही मिळत का? मी बनवते.' आणि सारा हसत तिच्या व्हॅनिटी व्हॅन मध्ये जाते. या व्हिडिओदरम्यान साराने तिच्या पायावरून स्कर्ट बाजूला केला आणि कॅमेरासाठी पोज दिली. साराच्या या वागण्यावरून तिला सोशल मीडियावर ट्रॉल केलं जातंय. नेटकऱ्यांच्या मते असं अंगप्रदर्शन करायची गरज नव्हती. काहींनी म्हटलंय जेव्हा काम मिळत नाही तेव्हा असं अंगप्रदर्शन केलं जातं. अनेकांनी साराच्या या वागणुकीला चुकीचं म्हटलं आहे. त्यांच्यामते ही अत्यंत चुकीची कृती होती जी करण्याची साराला गरज नव्हती. तर दुसरीकडे तिचे चाहतेदेखील तिच्या बाजूने बोलताना दिसतायत. त्याच्यामते साराने कॅमेरामन सोबत ज्या प्रेमळ आणि साध्या पद्धतीने गप्पा मारल्या त्यातचं तिची विनम्रता सगळ्यांना कळायला हवी.
from Marathi Bollywood News, Marathi Cinema News https://ift.tt/30Lfspn
