मुंबई: अभिनेत्री यांच्या बॉलिवूड करिअरसोबतच त्यांचं खासगी आयुष्य सुद्धा बरंच चर्चेत राहिलं. विशेषतः क्रिकेटर विव्ह रीचर्ड्स यांच्यासोबतच्या त्यांच्या नात्याची बरीच चर्चा झाली. विव्ह रीचर्ड्स आणि नीना यांनी लग्न केलं नाही मात्र त्यांना एक मुलगी आहे. विव्ह रीचर्ड्स आणि नीना यांची मुलगी मसाबा आज फॅशन इंडस्ट्रीतलं प्रसिद्ध नाव आहे. मसाबा सोशल मीडियावर बरीच सक्रिय असते अनेकदा तिच्या पोस्ट व्हायरल होताना दिसतात. आताही तिनं शेअर केलेले फोटो सोशल मीडियावर चर्चेचा विषय ठरताना दिसत आहेत. प्रसिद्ध फॅशन डिझायनंर मसाबा गुप्तानं नुकतेच तिच्या इन्स्टाग्रामवर काही अनसीन फॅमिली फोटो शेअर केले आहेत. जे तिच्या बालपणीचे फोटो आहेत आणि या फोटोंमध्ये आई नीना गुप्ता आणि बाबा विव्ह रीचर्ड्स मसाबासोबत दिसत आहेत. या फोटोत लहानगी मसाबा आपल्या आईच्या कुशीत आहेत तर त्यांच्या बाजूलाच विव्ह रीचर्ड्स सुद्धा जमिनीवर बसलेले दिसत आहेत. मसाबानं तिच्या इन्स्टाग्रामवर दोन फोटो शेअर केले आहेत. या फोटोंच्या कॅप्शनमध्ये तिनं लिहिलं, 'माय वर्ल्ड माय ब्लड' सोशल मीडियावर मसाबाचे हे फोटो सध्या चर्चेचा विषय ठरत आहेत. या फोटोमध्ये नीनी गुप्ता यांनी पांढऱ्या रंगाची लाल काठ असेलेली साडी नेसली आहे. तर विव्ह रीचर्ड्स टीशर्ट-शॉर्ट्स अशा कॅज्युअल लुकमध्ये आहेत. या पोस्टमध्ये दुसऱ्या फोटोमध्ये आणखी एक कपल आहे. हा फोटो ब्लॅक अँड व्हाइट आहे. मात्र या फोटोतील हे दोघं कोण आहेत याचा उल्लेख मसाबानं केलेला नाही. मसाबाच्या या फोटोवर चित्रपटसृष्टीतील तिच्या अनेक मित्रांनी कमेंट केल्या आहेत. मसाबाचे हे फॅमिली फोटो खूप व्हायरल होताना दिसत आहेत.
from Marathi Bollywood News, Marathi Cinema News https://ift.tt/3tcS1BK
