मुंबई: बॉलिवूड अभिनेता विकी कौशलला स्वतःची वेगळी ओळख मिळाली ती त्याचा चित्रपट 'उरी: द सर्जिकल स्ट्राइक' या चित्रपटातूनच. विकीनं नुकतीच काश्मीर येथील उरी बेस कॅम्पला भेट दिली. त्याला भारतीय सैन्य दलानं निमंत्रण पाठवलं होतं. विकीनं या कॅम्प दौऱ्याचे फोटो सोशल मीडियावर शेअर करत भारतीय सैन्य दलाचे आभार मानले आहेत. विकी कौशलनं रविवारी त्याच्या इनस्टाग्रामवर काही फोटो शेअर केले. ज्यातील दोन फोटोंमध्ये तो भारतीय जवानांसोबत चालताना दिसत आहे. तर तिसऱ्या फोटोमध्ये तो तिथल्या उपस्थितांसमोर भाषण देताना दिसत आहे. विकी कौशलनं या पोस्टच्या कॅप्शनमध्ये लिहिलं, 'मला , काश्मीर येथे आमंत्रित करण्यासाठी धन्यवाद. भारतीय सैन्यदलाचे आभार. तुम्ही मला तिथल्या स्थानिक लोकांना भेटण्याची संधी दिली. हे सर्वच लोक एका वेगळ्या उत्साहाने भरलेले आहेत. आपल्या महान सैन्यासोबत असणं हा माझ्यासाठी सर्वात मोठा सन्मान आहे. धन्यवाद. जय हिंद!' विकी कौशलच्या या पोस्टवर चाहत्यांच्या कमेंटचा अक्षरशः पाऊस पडताना दिसत आहे. त्याचा चित्रपट 'उरी: द सर्जिकल स्ट्राइक'चे दिग्दर्शक आदित्य धर यांनी त्याच्या या पोस्टवर कमेंट केली आहे. त्यांनी लिहिलं, 'खूप साऱ्या आठवणी सोबत घेऊन ये.' विकी कौशलचा २०१९ मध्ये रिलीज झालेला 'उरी: द सर्जिकल स्ट्राइक' हा चित्रपट सुपरहिट चित्रपट ठरला होता. या चित्रपटातील त्याच्या दमदार अभिनयासाठी त्याला राष्ट्रीय पुरस्कारानं सन्मानित करण्यात आलं होतं. हा चित्रपट सर्जिकल स्ट्राइकच्या सत्य घटनेवर आधारित होता. विकी कौशलच्या वर्कफ्रंटबद्दल बोलायचं तर तो लवकरच उधम सिंह आणि सॅम मानेकशॉ यांच्या बायोपिकमधून प्रेक्षकांच्या भेटीला येणार आहे. याशिवाय त्याच्याकडे 'द इमोर्टल अश्वत्थामा' आणि करण जोहरचा बहुचर्चित चित्रपत 'तख्त' सुद्धा आहे.
from Marathi Bollywood News, Marathi Cinema News https://ift.tt/38lxymd
