मुंबई: अभिनेता त्यांच्या चित्रपटांपेक्षा जास्त त्याच्या खासगी आयुष्यामुळे चर्चेत राहिला. त्याच्या बायोपिकमध्येही त्यानं एकेकाळी त्याच्या अनेक गर्लफ्रेंड होत्या ही गोष्ट मान्य केली आहे. त्यावेळी अनेक आघाडीच्या अभिनेत्रींसोबत संजय दत्तचं नाव जोडलं गेलं होतं. एक वेळ अशीही होती जेव्हा संजय दत्त आणि अभिनेत्री यांच्या अफेअरच्या चर्चा बॉलिवूडमध्ये सुरू होत्या. त्यावेळी सुश्मितानं नुकतंच बॉलिवूडमध्ये पदार्पण केलं होतं तर संजय दत्त विवाहित होता. बॉलिवूडमध्ये गॉसिप्सची कमी नाही आणि त्यातही संजय दत्तच्या अफेअर्सचे किस्से तर खूप चर्चेत राहिले होते. संजय दत्तची एकेकाळी ३०० पेक्षा जास्त मुलींसोबत अफेअर्स राहिली होती. ज्यात अनेक बॉलिवूड अभिनेत्रींचा समावेश आहे. ज्यांच्यासोबतची संजय दत्तची अफेअर्स सर्वाधिक चर्चेत राहिली होती. संजय दत्तचं नावं काही आघाडीच्या अभिनेत्रींसोबत जोडलं गेलं होतं. ज्यात रेखा, माधुरी दीक्षित आणि टीना मुनीम अशा नावांचा समावेश आहे. अर्थात संजय दत्तनं या अभिनेत्रीशी अफेअर्स असल्याचं कधीच मान्य केलं नव्हतं. दरम्यान संजय दत्तचं नाव १६ वर्षांनी लहान असलेल्या सुश्मिता सेनशी जोडलं गेलं होतं. एवढंच नाही तर त्याची पत्नी रिया पिल्लईनं या दोघांना हॉटेलच्या रुममध्ये रंगेहात पकडलं सुद्धा होतं असं बोललं जातं. १९९८ मध्ये संजय दत्तनं रिया पिल्लईशी लग्न केलं होतं. पण त्यांच्या लग्नानंतर काही दिवसांतच सुश्मिता आणि संजयच्या अफेअर्सच्या चर्चा बॉलिवूडमध्ये रंगू लागल्या होत्या. रियाच्या कानावरही या गोष्टी जात होत्या पण तरीही तिनं गप्प राहणं पसंत केलं होतं. मात्र काही रिपोर्ट्सनुसार एका स्टेज शोनंतर संजय दत्त कुठेतरी बाहेर निघून गेला. त्याचवेळी पत्नी रिया त्याचा पाठलाग करत हॉटेलवर पोहोचली होती आणि तिनं संजयला सुश्मितासोबत रंगेहात पकडलं होतं. हे सर्व घडल्यानंतर नाराज झालेल्या पत्नीला शांत करण्यासाठी संजय दत्तनं तिची माफी मागितली होती मात्र त्या प्रसंगानंतर त्यांच्या नात्यात दुरावा आला आणि अखेर २००८ मध्ये घटस्फोट घेऊन दोघंही वेगळे झाले. त्यानंतर त्याच वर्षी संजय दत्त मान्यता दत्तसोबत लग्न केलं. तेव्हा पासून संजय दत्त आपल्या वैवाहिक आयुष्यात खूश आहे. संजय आणि मान्यताला दोन मुलं असून शाहरान आणि इकारा अशी त्यांची नावं आहेत. याशिवाय पहिली पत्नी रिचा शर्मापासून त्याला एक मुलगी आहे जिचं नाव त्रिशाला आहे. तर दुसरीकडे सुश्मिता सेननं अद्याप लग्न केलेलं नाही. तिनं दोन मुलींना दत्तक घेतलं असून सध्या ती स्वतःपेक्षा १५ वर्षांनी लहान असलेला मॉडेल रोहमन शॉलसोबत रिलेशनशिपमध्ये आहे.
from Marathi Bollywood News, Marathi Cinema News https://ift.tt/30wwpnt
