मुंबई: अभिनेता मागच्या काही दिवसांपासून सोशल मीडियावर खूपच चर्चेत आहे. काही दिवसांपूर्वीच त्यानं अर्जुन तेंडुलकरसाठी केलेलं ट्वीट चर्चेत आलं होतं. या ट्वीटवरून त्याच्यावर टीका सुद्धा झाली होती. त्यानंतर आता फरहान पुन्हा एकदा चर्चेत आला आहे ते त्याचा बहुचर्चित ''मुळे. फरहानचा हा चित्रपट लवकरच प्रेक्षकांच्या भेटीला येणार आहे. पण त्याआधीच हा चित्रपट वादाच्या भोवऱ्यात अडकला असून ट्विटरवर #boycottToofan ट्रेंड होताना दिसत आहे. फरहान अख्तरचा आगामी चित्रपट 'तुफान' येत्या २१ मे ला ओटीटी प्लॅटफॉर्म अमेझॉन प्राइमवर रिलीज होणार आहे. बुधवार १० मार्चला अमेझॉनच्या अधिकृत सोशल मीडिया हॅन्डलवरून याची माहिती देण्यात आली. ज्यानंतर अनेक बॉलिवूड कलाकारांनी आपापल्या सोशल मीडिया अकाउंटवरूनही ही माहिती शेअर केली. पण त्यानंतर ट्विटरवर #boycottToofan ट्रेंड होऊ लागला. फरहानचा आगामी चित्रपट रिलीज होण्याआधी पुन्हा एकदा सुशांतसिंह राजपूतच्या आत्महत्येचा मुद्दा चर्चेत आला. जोपर्यंत सुशांतला न्याय मिळत नाही तोपर्यंत बॉलिवूडकरांच्या प्रत्येक चित्रपटाला आम्ही बॉयकॉट करू असं अनेक ट्वीटमध्ये म्हटलं गेलं आहे. एवढंच नाही तर काही दिवसांपूर्वी अँटी सिटिझनशिप अमेन्डमेन्ट प्रोटेस्‍टला पाठिंबा दिल्यानंतर फरहान अख्तर खूप चर्चेत आला होता. आता याच मुद्द्यावरून फरहानवर टीका केली जात असून त्याच्या आगामी चित्रपटालाही विरोध केला जात आहे. तुफान चित्रपटाबद्दल बोलायचं तर या चित्रपटाचं दिग्दर्शन राकेश ओमप्रकाश मेहरा यांनी केलं आहे. या चित्रपटात फरहान अख्तर व्यतिरिक्त परेश रावल, मृणाल ठाकुर, सुप्रिया पाठक कपूर आणि हुसैन दलाल यांच्याही महत्त्वपूर्ण भूमिका आहेत. याआधी फरहान आणि राकेश ओमप्रकाश यांनी 'भाग मिल्खा भाग' या चित्रपटासाठी एकत्र काम केलं होतं.
from Marathi Bollywood News, Marathi Cinema News https://ift.tt/3l3rIem
