मुंबई ः बॉलिवूडमधील ज्येष्ठ दिग्दर्शक आणि अभिनेते सतिश कौशिक यांना १७ मार्च रोजी करोना झाला होता. ते घरातच क्वारंटाईन होते, परंतु त्यांची तब्येत अचानक बिघडल्याने त्यांना कोकिलाबेन हॉस्पिटलमध्ये दाखल करण्यात आले आहे. सतिश कौशिक यांनी त्यांचा रिपोर्ट पॉझिटिव्ह आल्याचे ट्विट केले होते. तसेच संपर्कात आलेल्या सर्वांनी टेस्ट करून घेण्याचे आवाहनही त्यांनी केले होते. करोना टेस्ट पॉझिटिव्ह आल्यानंतर सतिश घरातच क्वारंटाईन होते. परंतु त्यांना गेल्या एक दोन दिवसांपासून अस्वस्थ वाटत असल्याने डॉक्टरांनी त्यांना हॉस्पिटलमध्ये जाण्याचा सल्ला दिला.त्यानंतर ते कोकिलाबेन हॉस्पिटलमध्ये दाखल झाले. आता त्यांची प्रकृती स्थिर असून त्यांचा करोना रिपोर्ट निगेटिव्ह येईपर्यंत त्यांना हॉस्पिटलमध्येच ठेवणार असल्याची माहिती त्यांच्या निकटवर्तीयांनी ईटाईम्सला दिली. सतिश कौशिक यांच्या प्रवक्त्याने दिलेल्या माहितीनुसार, सतिश कौशिक सध्या कोकिलाबेन हॉस्पिटलमध्ये आहेत. त्यांची प्रकृती सुधारत आहे. करोनावरील वॅक्सिन घेण्याचा ते विचार करत होते, त्याच दरम्यान त्यांना विकनेस जाणवत असल्याने त्यांनी करोना टेस्ट केली. त्याचा रिपोर्ट पॉझिटिव्ह आल्यानंतर त्यांनी स्वतःला होम क्वारंटाईन करून घेतले. घरी ते नियमीतपणे औषधोपचार घेत होते. परंतु थोडे अस्वस्थ वाटू लागल्याने खबरदारी आणि योग्य ते उपचारांसाठी म्हणून ते हॉस्पिटलमध्ये दाखल झाले आहेत.
from Marathi Bollywood News, Marathi Cinema News https://ift.tt/3vM3dY4
