मुंबई- छोट्या पडद्यावरील मालिका 'पवित्र रिश्ता' मधून अभिनय क्षेत्रात पदार्पण करणारी मराठमोळी अभिनेत्री सोशल मीडियावर प्रचंड सक्रिय असते. ती तिचे निरनिराळे फोटो चाहत्यांसोबत शेअर करत असते. तिच्या फोटोंनादेखील प्रेक्षकांची पसंती मिळते. मराठी चित्रपटांतून आपल्या अभिनयाचा ठसा उमटवणाऱ्या प्रार्थनाने आपल्या अभिनयाने प्रेक्षकांच्या मनात तिचं स्थान निर्माण केलं आहे. नुकतंच प्रार्थनाने खास फोटोशूट केलं आहे. ते फोटो तिने सोशल मीडियावर शेअर केले आहेत. प्रार्थनाचे फोटो पाहून चाहत्यांनी कमेंट आणि लाइकचा वर्षाव केला आहे. प्रार्थनाने तिच्या इन्स्टाग्राम अकाऊंटवरून काही फोटो शेअर केले. ज्यांना चाहत्यांचा भरभरून प्रतिसाद मिळतो आहे. तिच्या प्रत्येक फोटोंना हजारो लाइक मिळाले आहेत. प्रार्थनाने हे फोटोशूट एका दागिन्यांच्या ब्रॅण्डसाठी केलं आहे. या ब्रॅण्डचं नाव 'हायनेस' असून तिने प्रत्येक फोटोत तिला साजेसे दागिने परिधान केले आहेत. एका फोटोत तिने निळ्याशार रंगाची साडी नेसली आहे. तर दुसऱ्या फोटोत हिरव्या रंगाची इरकली नेसली आहे. अजून एका फोटोत गुलाबी साडी तर दुसऱ्यात पिवळ्या रंगाचा ड्रेस परिधान केला आहे. त्यासोबत तिने प्रत्येक साडीला साजेसे दागिनेही घातले आहेत. कधी मोहनमाळ तर कधी चोकर घातला आहे. इतर दोन फोटोत तिने निरनिराळे नेकलेस घातले आहेत. प्रार्थनाचे हे फोटो पाहून चाहते घायाळ झाले आहेत. त्यांनी तिच्यावर कौतुकाचा वर्षाव केला आहे. दरम्यान, काही दिवसांपूर्वी प्रार्थनाने महिला दिनाच्या निमित्तानेही खास फोटोशूट केलं होतं. त्यात तिने देशातील महत्त्वपूर्ण काम करणाऱ्या महिलांना सलाम केला होता. तिने शेतकरी, माथाडी कामगार, दुग्ध व्यवसाय करणारी स्त्री आणि घरोघरी जाऊन वस्तू विकणाऱ्या महिलांच्या योगदानाची आठवण करून दिली होती.
from Marathi Bollywood News, Marathi Cinema News https://ift.tt/3cPHVQz
