मुंबई- आणि यांची जोडी बॉलिवूडच्या प्रेक्षकांची आवडती जोडी आहे. त्या दोघांमध्ये असलेलं नातं पतिपत्नीच्या नात्यापलीकडे आहे. ते एकमेकांचे मित्र बनून राहतात. अनेकांसाठी त्यांची जोडी आदर्श जोडी आहे. प्रियांका आणि निक सोशल मीडियावर नेहमी सक्रिय असतात. ते त्यांचे अनेक फोटो आणि व्हिडीओ चाहत्यांसोबत शेअर करत असतात. चाहत्यांनाही त्यांना एकत्र पाहायला प्रचंड आवडतं. नुकताच निकने त्याच्या एका नव्या गाण्याचा व्हिडीओ प्रदर्शित केला. त्यासाठी त्याच्या घरून लाईव्ह कार्यक्रम आयोजित करण्यात आला होता. महत्वाचं म्हणजे, या कार्यक्रमाला प्रियांकाने हजेरी लावली. त्यानंतर तिने जे केलं ते पाहून अनेकांच्या भुवया उंचावल्या. निक त्याच्या म्युजिक व्हिडिओचं लाईव्ह प्रक्षेपण करत असताना तिथे प्रियांका येते आणि कॅमेरामध्ये पाहत प्रेक्षकांना हाय बोलते. त्यानंतर ती निककडे पाहत त्याला किस करते आणि तिथून सहजपणे निघूनही जाते. आपल्या पत्नीच्या या वागण्यावर निक दोन सेकंदासाठी विचारमग्न होतो. त्यानंतरची त्याची प्रतिक्रिया मात्र कौतुकास्पद आहे. तो आपल्या पत्नीचं कौतुक करतो. तो म्हणतो, 'ती माझ्या या म्युजिक व्हिडिओची प्रेरणा आहे आणि माझ्या आयुष्यातल्या प्रत्येक गोष्टीची प्रेरणा आहे.' त्याच्या या प्रतिक्रियेचं प्रेक्षकांकडून कौतुक करण्यात येतंय. निकच्या या म्युजिक व्हिडिओमध्ये प्रियांकादेखील दिसली आहे. त्यांचा हा व्हिडीओ सोशल मीडियावर प्रचंड वायरल होत आहे. ते सध्या लंडनमध्ये आहेत. विदेशातही प्रियांकाच्या नावाची चर्चा सुरु आहे. नुकतंच प्रियंकाने तिच्या आयुष्यावर आधारित पुस्तक'अनफिनिश्ड' प्रकाशित केलं होतं. तर काही दिवसांपूर्वी तिने लंडनमध्ये 'सोना' नावाचं रेस्टोरन्ट सुरु केलं आहे. त्याचबरोबर प्रियांका निकसोबत ९३ व्या अकादमी पुरस्कार सोहळ्याचं नामांकन घोषित करणार आहे.
from Marathi Bollywood News, Marathi Cinema News https://ift.tt/38BEagk
