मुंबई- लहानपणापासून आपण आपल्या आईच्या अधिक जवळचे असतो. आई म्हणजे प्रत्येक गोष्ट सांगण्यासाठी असलेली आपल्या हक्काची व्यक्ती. आपल्यावर खूप जीव लावणारी, आपल्याला जे हवं ते देणारी, प्रत्येक संकटातून मार्ग काढणारी, आपल्यावर खूप प्रेम करणारी, मायेने न्हाऊ- माखू घालणारी घरातील एकमेव व्यक्ती म्हणजे आपली आई. त्याउलट आपल्यावर सतत रंगवणारे, मारणारे, कडक शिष्टीचे, आपल्याला प्रत्येक गोष्टीत अडवणारे, आपल्या स्वप्नांचं चुराडा करणारे म्हणजे बाबा. या दोघांच्याही अशाच काहीशा प्रतिमा आपल्या मनात लहानपणापासून कोरल्या गेल्यात. बाप म्हणून जगणाऱ्या त्या एक व्यक्तीच्या आयुष्यात किती अडचणी असतात याची जाणीव आपल्याला त्याच्या जागी गेल्यावर होते. त्यांच्या मनावर घरच्या जबाबदाऱ्यांचं किती ओझं आहे, हे मुलांना मोठं झाल्यावर कळतं. असाच एका बाबांच्या आयुष्याची गोष्ट सांगणारा चित्रपट लवकरच प्रेक्षकांच्या भेटीला येत आहे. कोणतही नातं टिकवायला संवाद लागतो आणि तो संवाद बाप आणि मुलाच्या नात्यात कधीच पाहायला मिळत नाही. तो संवाद वाढवा म्हणजे नाती टिकवणं सुसह्य होईल असा संदेश देणारा '' चित्रपट १९ मार्च रोजी झीप्लेक्सवर प्रेक्षकांच्या भेटीला येणार आहे. नुकताच या चित्रपटाचा ट्रेलर प्रदर्शित करण्यात आला आहे. वडील मुलाच्या नात्याचा हळुवार उलगडा करत हा ट्रेलर प्रेक्षकांच्या काळजाचा ठाव घेतो. एकमेकांविरोधी मतं आणि एकमेकांच्या अगदी विरोधी स्वभाव असणाऱ्या वडील मुलाची भूमिका अभिनेते आणि अभय महाजन यांनी साकारली आहे. त्याच्यासोबत अभिनेत्री , , जेष्ठ अभिनेते डॉ. मोहन आगाशे, सुहास जोशी, योगेश सोमण आणि राजेंद्र शिंदे यांसारखे दिग्गज कलाकार या चित्रपटाचा भाग आहेत. चित्रपटाचं संगीत अनुपम रॉय यांनी केलं असून गाण्यांचे बोल ओंकार कुलकर्णी यांनी लिहिले आहेत. चित्रपट मराठी असला तरी त्याचं चित्रीकरण मुख्यत्वे पश्चिम बंगाल आणि कोलकाता येथे झालं आहे. त्यामुळे चित्रपटाला बंगाली भाषेची आणि संस्कृतीची किनार आहे. त्याशिवाय नवीन आशय असलेल्या या चित्रपटात बरून चंदा, असीम दास, दिलीप दवे, अरुण गुहा ठाकुरता, राणा बासू ठाकुर यांसारखे बंगाली कळकरदेखील पाहायला मिळणार आहेत. उत्कृष्ट अभिनय, अनोखी कथा आणि दर्जेदार दिग्दर्शन घेऊन हा चित्रपट १९ मार्च रोजी झीप्लेक्सवर प्रदर्शित होणार आहे.
from Marathi Bollywood News, Marathi Cinema News https://ift.tt/3bIQy0f
