मुंबई: बॉलिवूड अभिनेता आणि यांच्या मुख्य भूमिका असलेला हा चित्रपट नुकताच प्रदर्शित झाला. सोशल मीडियावर नेहमीच चर्चेत असणारा अभिनेता जॉन अब्राहम आता मुंबई सागा रिलीज झाल्यानंतरही सोशल मीडियावर चर्चेचा विषय ठरत आहे. जॉनचा एक व्हिडीओ सध्या सोशल मीडियावर व्हायरल होत आहे. ज्यात तो चित्रपटगृहाबाहेर तिकिट्स विकताना दिसत आहे. सोशल मीडियावर जॉनच्या या व्हिडीओची जोरदार चर्चा सुरू आहे. 'मुंबई सागा' चित्रपटाला हिट करण्यासाठी जॉन अब्राहम आणि इम्रान खान यांनी कोणतीच कसर बाकी सोडलेली नाही. चित्रपटाच्या प्रमोशननंतर चित्रपट रिलीज झाल्यानंतरही जॉन आणि इम्रान चित्रपट हिट व्हावा यासाठी पूर्ण प्रयत्न करत असून त्यांनी प्रेक्षकांना आकर्षित करण्यासाठी एक अनोखी युक्ती शोधली आहे. चित्रपट रिलीज झाल्यानंतर जॉन आणि इम्रान थेट चित्रपटगृहाच्या तिकिट खिडकीवर पोहोचले आणि त्यांनी तिथे प्रेक्षकांना स्वतः तिकिट्स विकायला सुरुवात केली. यावेळचा एक व्हिडीओ इम्रान हाश्मीनं ट्विटरवर शेअर केला आहे. जॉनचा व्हिडीओ ट्विटरवर शेअर करताना इम्राननं लिहिलं, अमर्त्य आणि विजय या वर्षातला सर्वात मोठा फेस ऑफ मोठ्या पडद्यावर पाहण्यासाठी तुम्हाला आमंत्रित करत आहेत. या व्हिडीओच्या सुरुवातीला जॉन अब्राहम तिकिट खिडकीवर तिकिट देताना दिसत आहे आणि इम्रान त्याच्या बाजूला बसलेला दिसत आहे. याशिवाय इम्रान चित्रपटगृहातील एक व्हिडीओ शेअर केला आहे. ज्यात प्रेक्षक चित्रपट एन्जॉय करताना आणि टाळ्या वाजवताना दिसत आहेत. 'मुंबई सागा' या चित्रपटाची कथा अमर्त्य राव या व्यक्तीरेखेवर आधारित आहे. ज्यानं मुंबईवर राज्य करण्याचं स्वप्न पाहिलं होतं. तो छोटा राजनचा सहकारी होता आणि त्यानं अनेक मोठमोठ्या व्यापाऱ्यांची हत्या केवळ छोटा राजनच्या सांगण्यावरून केलेली असते. मात्र त्याच्या प्रत्येक हालचालीवर इन्स्पेक्टर विजय सावरकरची नजर असते. त्याला पकडण्यात इन्स्पेक्टर विजय सावकरला यश मिळत की नाही किंवा पुढे काय काय घडतं हे चित्रपट पाहिल्यावरच प्रेक्षकांना कळणार आहे. जॉन अब्राहम आणि इम्रान हाश्मीच्या या चित्रपटानं प्रेक्षकांची मनं जिंकली आहे. समीक्षकांच्याही या चित्रपटाला चांगल्या प्रतिक्रिया मिळताना दिसत आहेत. चित्रपटाच्या कमाईबद्दल बोलायचं तर या चित्रपटानं पहिल्याच दिवशी २ कोटी रुपयांचा गल्ला जमवला. ही चित्रपटासाठी चांगली सुरुवात होती. येत्या काही दिवसांत हा चित्रपट किती कोटींची कमाई करतो हे समजणार आहे.
from Marathi Bollywood News, Marathi Cinema News https://ift.tt/3eV5R81
