मुंबई: आलिया भट्टचा बहुचर्चित चित्रपट गंगूबाई काठियावाडीचे दिग्दर्शक आणि अभिनेता यांच्या करोना चाचण्या पॉझिटिव्ह आल्यानंतर आता अभिनेत्री आलिया भट्टनेही खबरदारी म्हणून स्वतःची करोना टेस्ट करून घेतली असून तिनं घरीच स्वतःला आयसोलेट सुद्धा केलं आहे. ई-टाइम्सला दिलेल्या माहितीमध्ये आलियाच्या जवळच्या सूत्रांनी या वृत्ताची पुष्टी केली. या माहितीनुसार आलिया जवळपास रोजच करोना चाचणी करून घेत आहे. आजही तिन करोना चाचणी करून घेतली असून तिची ही चाचणी निगेटिव्ह आली आहे. पण रिपोर्ट निगेटिव्ह आल्यानंतरही तिनं स्वतःला आयसोलेट केलं आहे. रणबीर आणि आलिया मागच्या काही काळापासून आगामी चित्रपट ब्रह्मास्त्रच्या शूटिंगमध्ये व्यस्त होते. रणबीर कपूरला सुद्धा ब्रह्मास्त्रच्या सेटवरच करोनाचा संसर्ग झाल्याचं बोललं जात आहे. रणबीर कपूरनंतर गंगूबाई काठियावाडी चित्रपटाचे दिग्दर्शक संजय लीला भन्साळी यांचीही करोना चाचणी पॉझिटिव्ह आली आहे. आलिया या चित्रपटात मुख्य भूमिकेत आहे. त्यामुळे स्वतःचा रिपोर्ट निगेटिव्ह आल्यानंतरही आलियानं स्वतःला क्वारंटाइन केलं आहे. सूत्रांच्या माहितीनुसार 'गंगूबाई काठियावाडी'चे दिग्दर्शक सध्या त्यांच्या आगामी चित्रपटाच्या शूटिंगमध्ये बिझी आहेत. अशात त्यांच्या करोना चाचणीचा रिपोर्ट पॉझिटिव्ह आल्यानंतर 'गंगूबाई काठियावाडी'चं शूटिंग लगेचच थांबवण्यात आलं आहे. तसेच भन्साळी यांच्या जवळपास राहणाऱ्या आणि त्यांच्या सोबत काम करणाऱ्या प्रत्येक व्यक्तीची करोना चाचणी करण्यात आली आहे.
from Marathi Bollywood News, Marathi Cinema News https://ift.tt/3ch2GVe
