मुंबई ः वरून प्रसारित होणारा इंडियन आयडॉल-१२ हा कार्यक्रम कोणत्या ना कोणत्या तरी कारणाने सतत वादाच्या भोव-यात अडकलेला आहे. दोन महिन्यांपूर्वी सुरू झालेल्या हा कार्यक्रम यातील स्पर्धक पवनदीप राजन आणि अरुणिता कांजीलाल यांच्यातील कथित प्रेमप्रकरणामुळे चर्चेत आला होता तर कधी पवनदीप राजन आणि सवाई भाट यांच्यातील भांडणामुळे...अर्थात हे सर्व कार्यक्रम सादरकर्त्यांनी तयार केलेल्या गोष्टी होत्या हे कालांतराने समोर आले. परंतु आता तर हा कार्यक्रम पुन्हा एकदा वादाच्या भोव-यात अडकला आहे. आता वाद निर्माण झाला आहे तो यातील स्पर्धक हिच्यामुळे. खरे पाहता सायली कांबळे ही अतिशय गरीब कुटुंबातून आली आहे. तिच्या घरी टीव्ही देखील नाही, असा दावा कार्यक्रमाच्या सादरकर्त्यांनी सुरुवातीपासून केला होता. त्यामुळे सायलीला प्रेक्षकांची सहानुभूती होती. मात्र, काही दिवसांपूर्वी सायली ज्येष्ठ गायक सुरेश वाडकर यांच्यासोबत दिसली होती. हा व्हिडीओ खूपच व्हायरल झाला असून सायलीबद्दल जो काही दावा सादरकर्त्यांनी केला आहे त्यावरून प्रेक्षकांनी त्यांना खडे बोल सुनावत ट्रोल करायला सुरू केले आहे. हा वाद सुरू असतानाच तिच्या सुपर डान्सर ४ च्या प्रमोशनसाठी जेव्हा या कार्यक्रमाच्या सेटवर आली तेव्हा तिने मात्र सायलीचे भरभरून कौतुक केले आहे. सोनी टिव्हीच्या ऑफिशयल इन्टाग्राम अकाऊंटवर या कार्यक्रमाचा प्रोमो सादरकर्त्यांनी पोस्ट केला आहे. त्या प्रोमोमध्ये सायलीने शिल्पा शेट्टीच्या बाजीगर सिनेमातील ए मेरे हमसफर... ए मेरे जाना जाँ हे गाणे गायले आहे. सायलीचे गाणे ऐकून शिल्पा प्रचंड खूष झाली असून, ती सायलीचे भरभरून कौतुक करताना दिसत आहे. शिल्पा म्हणते, 'कोयल सी है तेरी बोली सायली...' आता शिल्पाने सायलीचे भरभरून कौतुक केल्यामुळे सायलीवरून निर्माण झालेला वाद शमणार का अशी चर्चा होत आहे.
from Marathi Bollywood News, Marathi Cinema News https://ift.tt/3vDA6Gm
