गोवाः भारताचा वेगवान गोलंदाज आणि टीव्ही हिच्याबरोबर सोमवार १५ मार्च रोजी विवाहबंधनात अडकला. गोव्यात झालेल्या या लग्नाला दोघांचेही अगदी जवळचे नातेवाईक उपस्थित होते. बुमराह आणि संजना यांनी आपल्या इन्स्टाग्राम अकाऊंटवरून लग्नाचे फोटो आपल्या चाहत्यांसाठी शेअर केले आहेत. संजनानेही आपल्या इन्स्टाग्राम अकाऊटवर लग्नाचा फोटो शेअर करत म्हटले आहे की, 'प्रेम जर तुम्हांला सक्षम करत असेल तर ते तुमचे नशीबही बदलून टाकते. प्रेमाने आम्हांला एकत्र आणले आहे, आम्ही आता एकत्रितपणे आयुष्याच्या एका नवीन प्रवास करणार आहोत. आज आमच्या आयुष्यातील आणखी एक महत्त्वाचा आणि आनंदाचा दिवस आहे. त्यामुळेच आमचे लग्न झाल्याचा आनंद आम्ही तुम्हा सर्वांसोबत साजरा करत आहोत...' जसप्रीत आणि संजना यांची भेट एका कार्यक्रमात झाली. मात्र त्यांनी कोणत्याही सोशल मिडीयावर आपल्या या नात्याबद्दल वाच्यता केली नव्हती. त्यामुळे या दोघांचे लग्न झाल्याची बातमी आणि फोटो आल्यानंतर त्यांच्या चाहत्यांनी आणि हितचिंतकांनी नवदांपत्याला भरभरून शुभेच्छा दिल्या आहेत. दरम्यान, भारत आणि इंग्लंड यांच्यात खेळल्या गेलेल्या चौथ्या कसोटी क्रिकेट सामन्यातून बुमराहने आपले नाव मागे घेतले होते. बुमराह याने वैयक्तिक कारण असल्याचे सांगत बीसीसीआयकडे रजाही मागितली होती. त्यानंतर दोन्ही संघांमध्ये होणा-या टी-२० मालिकेसाठी झालेल्या संघामध्येही बुमराहचा समावेश नव्हता. त्यामुळे त्याने लग्नासाठी ही रजा घेतल्याचे समोर आले होते. कोण आहे संजना गणेश?मूळ पुणेकर असलेली २८ वर्षांची संजना गणेश ही टीव्हीवर क्रीडा समालोचक म्हणून काम करते. तसेच एमटीव्हीवरून प्रसारित झालेल्या रियालिटी शो स्प्लिट्सविला या कार्यक्रमाच्या सातव्या पर्वात सहभागी झाली होती. हा कार्यक्रम सुरू असताना ती अनेक कारणांवरून चर्चेत होती. मात्र हाताला दुखापत झाल्याने तिला या कार्यक्रमातून बाहेर पडावे लागले. त्यानंतर संजना हिने क्रिकेट समालोचक म्हणून काम करायला सुरुवात केली. आयपीएलमधील शाहरूख खान याच्या कोलकाता नाइट रायडर्ससाठी तसेच द नाइट क्लबसाठी तिने समालोचन केले होते. तसेच २०१९ मध्ये आसीसी विश्वचषक ते आयपीएल स्पर्धेसाठी तिने समालोचक स्टार स्पोर्टसाठी म्हणून काम केले होते. २०१३ मध्ये संजनाला फेमिना मिस ऑफिशियल गॉर्जियस हा पुरस्कारही मिळाला होता.
from Marathi Bollywood News, Marathi Cinema News https://ift.tt/38KC9hQ
