मुंबई: बिग बॉस १४ ने गायक राहुल वैद्यला खूपच लोकप्रियता मिळवून दिली. या सीझनचा फर्स्ट रनरअप राहिलेला घरा-घरात प्रसिद्ध झाला. त्याचं गेम प्लानिंग आणि घरातील वागणूक या सर्वच गोष्टींमुळे तो सोशल मीडियावर बराच चर्चेत राहिला. बिग बॉसनंतर आता राहुल वैद्य रोहित शेट्टीचा लोकप्रिय रिअलिटी शो 'खतरों के खिलाडी'मध्ये दिसणार असल्याचं बोललं जात आहे. रिपोर्टनुसार राहुल वैद्याच्या जवळच्या सूत्रांनी राहुलला स्टंट बेस्ड रिअलिटी शो खतरों के खिलाडीसाठी अप्रोच करण्यात आल्याची माहिती दिली आहे. मात्र राहुलनं यासाठी अद्याप होकार दिलेला नाही. जर तो या शोमध्ये सहभागी झाला तर त्याच्या चाहत्यांसाठी ही गोष्ट कोणत्याही सेलिब्रेशनपेक्षा कमी असणार नाही हे मात्र नक्की. खतरों के खिलाडी ११चं शूटिंग येत्या जून किंवा जुलैमध्ये सुरू होणार असल्याचं बोललं जात आहे. मागच्या वर्षी करोनामुळे १० वा सीझन ३ महिने पुढे ढकलण्यात आला होता. आता करोनाचा वाढता प्रादुर्भाव लक्षात घेता या शोबद्दल सध्या काहीही निश्चितपणे सांगता येण शक्य नाही. तसेच करोनामुळे यंदा या शोचं शूटिंग सुद्धा भारतातच होण्याची शक्यता आहे. या शोच्या स्पर्धकांबद्दल बोलायचं तर रोहित शेट्टीच्या या स्टंट बेस शोसाठी आतापर्यंत अभिनव शुक्ला, रुबीना दिलैक, निक्की तांबोळी, आसिम रियाज आणि मोहित मलिक यांना विचारण्यात आल्याचं वृत्त आहे. मात्र याबाबत चे मेकर्सकडून कोणतीही अधिकृत माहिती किंवा संबंधित सेलिब्रेटींकडून कोणतीही प्रतिक्रिया मिळालेली नाही.
from Marathi Bollywood News, Marathi Cinema News https://ift.tt/3c4gx25
