मुंबई: काही दिवसांपूर्वी उत्तराखंडचे मुख्यमंत्री यांनी रिप्ड जीनच्या फॅशनवर केलेलं वक्तव्य खूप चर्चेत आलं होतं. ज्यावरून सोशल मीडियावर बराच वादही झाली. अनेक बॉलिवूड सेलिब्रेटींनी यावर आपल्या प्रतिक्रिया सुद्धा दिल्या होत्या. अनेकांनी रावत यांच्या वक्तव्यानंतर 'तुम्हाला तुमची मानसिकता बदलण्याची गरज आहे' असं म्हणत त्यांच्यावर टीका सुद्धा केली होती. त्यानंतर आता गायक अदनान सामीनं याच वादावर एक मजेदार पोस्ट शेअर केली आहे. ज्यावर युझर्सच्या सुद्धा भन्नाट प्रतिक्रिया पाहायला मिळत आहेत. उत्तराखंडचे मुख्यमंत्री तीरथ सिंह रावत यांच्या रिप्ड जीन्स फॅशनबाबतच्या वादग्रस्त वक्तव्यानंतर अदनान सामीनं त्याच्या ट्विटरवर एक पोस्ट केली आाहे. त्यानं या पोस्टमध्ये एक फोटो शेअर केला आहे. ज्यात एका व्यक्तीचं शर्टच्या दोन बटणांमधून पोट दिसत आहे. तर त्याच्या मागे बसलेल्या मुलीनं रिप्ड जीन्स घातली आहे. अदनानने हा फोटो शेअर करताना लिहिलं, 'आता जर आपण ज्याच्याशी आपला काही संबंध आहे किंवा नाही अशा प्रत्येक गोष्टींमुळे त्रासलेले असू तर मग आता कृपया रिप्ड शर्टबाबातही चिंता व्यक्त करुया का?' अदनानने त्याच्या पोस्टसोबतच #RippedJeansTwitter आणि #GirlsWhoWearRippedJeans हे दोन हॅशटॅग सुद्धा वापरले आहेत. त्याच्या या पोस्टवर अनेक युझर्सनी भन्नाट प्रतिक्रिया दिल्या आहे. दरम्यान काही दिवसांपूर्वी रिप्ड जीन्सच्या फॅशनवर वादग्रस्त वक्तव्य केल्यानं उत्तराखंडचे मुख्यमंत्री तीरथ सिंह रावत सोशल मीडियावर चर्चेत आले होते. त्यांनी हे वक्तव्य करताना स्वतःसोबत प्रवास करणाऱ्या एका महिलेचा उल्लेख केला होता. जिने रिप्ड जीन घातली होती आणि ती एक एनजीओ चालवते. यावर रावत यांनी 'जी महिला रिप्ड जीन घालते ती मुलांना काय संस्कार देणार' असं म्हटलं होतं. रावत यांच्या या वक्तव्यानंतर सोशल मीडियावर बराच वाद झाला होता. अदनान सामीच्या अगोदर अनेक बॉलिवूड सेलिब्रेटींनी रावत यांच्या या वक्तव्यावर प्रतिक्रिया दिली होती. ज्यात जया बच्चन, उर्मिला मातोंडकर, गुल पनाग, नगमा आणि कंगना रनौत या अभिनेत्रींचाही समावेश आहे.
from Marathi Bollywood News, Marathi Cinema News https://ift.tt/2QqR7n5
