मुंबई: ६०-७०च्या दशकात आपला दमदार अभिनय आणि सौंदर्यानं लाखो चाहत्यांची मनं जिंकणाऱ्या अभिनेत्री यांनी अनेक वर्ष बॉलिवूडवर राज्य केलं. पण त्यांचं आयुष्य मात्र इतर अभिनेत्रींपेक्षा वेगळं होतं. एवढा मोठा चाहतावर्ग असलेल्या आशा पारेख अद्याप अविवाहित आहेत. आशा पारेख बॉलिवूडच्या त्या अभिनेत्रींपैकी आहेत ज्या प्रेमात तर पडल्या पण ज्या व्यक्तीवर प्रेम केलं त्याच्याशी लग्न न झाल्यानं संपूर्ण आयुष्य एकट्यानं काढण्याचा निर्णय घेतला. आशा पारेख यांनी त्यांची ऑटोबायोग्राफी 'द हिट गर्ल'मध्ये त्यांच्या खासगी आयुष्याबद्दल अनेक खुलासे केले आहेत. ज्यात त्यांनी त्याच्या लव्ह लाइफबद्दलही सविस्तर सांगितलं आहे. याशिवाय या पुस्तकात त्यांनी लग्न न करता अविवाहित राहण्यामागचं कारण सुद्धा सांगितलं आहे. ज्या व्यक्तीवर त्या प्रेम करत होत्या ते आधीच विवाहित होते. त्यामुळे आशा पारेख यांचं अद्याप लग्न होऊ शकलं नाही. आशा पारेख सांगतात, 'आमच्या काळात या क्षेत्रात काम करणाऱ्या कलाकारांसोबत विश्वासघात होत असे. अनेक कलाकार आपल्या पत्नींना विसरून जात. अशी गोष्ट मला स्वतःसोबत होऊ द्यायची नव्हती.' फार कमी लोकांना माहीत आहे की, आशा पारेख प्रसिद्ध दिग्दर्शक यांच्या प्रेमात होत्या. ७७ वर्षीय आशा पारेख यांनी आपल्या बॉलिवूड कारकिर्दित ८० चित्रपटामध्ये काम केलं. त्याच्या काळातील सर्वाधिक मानधन घेणाऱ्या अभिनेत्रींमध्ये आशा पारेख यांचं नाव घेतलं जात असे. अशा पारेख यांचे बरेच चित्रपट हिट झाले. त्यांनी बॉलिवूडच्या प्रसिद्ध दिग्दर्शकांसोबतचं नाही तर त्या काळातील सुपरस्टार अभिनेत्यांसोबतही काम केलं. सध्या बॉलिवूडपासून दूर असलेल्या आशा पारेख यांनी धर्मेंद्र, राजेश खन्ना, मनोज कुमार, सुनील दत्त अशा कलाकारांसोबत काम केलं आहे.
from Marathi Bollywood News, Marathi Cinema News https://ift.tt/3rY5EVd
