मुंबई: जेवणाची ऑर्डर रद्द केल्याने झोमॅटो डिलिव्हरी बॉयनं मारहाण केली, असा आरोप हिने सोशल मीडियावर पोस्ट टाकून आरोप केला होता. मात्र या डिलिव्हरी बॉयनंच हितेशावर गंभिर आरोप केल्यानं प्रकरणाला वेगळंच वळण आलं आहे. या प्रकरणाची सध्या सगळीकडेच चर्चा सुरू आहे. या प्रकरणात आता सेलिब्रिटींनीही उडी घेतल्याचं पाहायला मिळत आहे. अभिनेत्री हिनं झोमॅटो डिलिव्हरी बॉयच्या समर्थनात ट्विट करत त्याला पाठिंबा दिला होता. यावर अभिनेत्री हिनं टीका केली आहे. परिणीतीनं झोमॅटो डिलिव्हरी बॉयची बाजू घेत त्याला निर्दोष म्हटल्यानं तनुश्रीनं तिच्यावर टीकास्त्र सोडलं आहे. यासंदर्भात तनुश्रीनं सोशल मीडियावर भलीमोठी पोस्ट शेअर केली आहे. 'जे पुरुष महिलांवर अत्याचार करतात ते स्वत:हूनकधीच गुन्हा कबूल करत नाहीत. प्रकरणातू स्वत:ची सुटका करुन घेण्यासाठी ते हवं ते करतात. आजपर्यंत कुठल्याही पुरुषानं त्यानं केलेला एखादा गुन्हा स्वत: कबूल केला असले का? तरुणीनं जर त्या डिलिव्हरी बॉयला चप्पलेनं मारलं होतं, शिव्या दिल्या होत्या, तर तो पोलिसांकडे का गेला नव्हता? असा प्रश्न तनुश्रीनं उपस्थित केला आहे. काय आहे नेमकं प्रकरण? हितेशा चंद्रानी हि या तरुणीनं मंगळवारी दुपारी ३.२० वाजता अॅपवरून जेवण ऑर्डर केले. एक तास होऊनही जेवण आले नाही. ऑर्डर रद्द करण्यासाठी आणि रिफंडसाठी कॉल केला. जेव्हा कस्टमर केअरसोबत बोलत होती, तेव्हा डिलिव्हरी बॉय पोहोचला. तिने ऑर्डर स्वीकारली. पण थांबण्यास सांगितले असता, त्याने शिवीगाळ करण्यास सुरुवात केली. मी काय गुलाम आहे का? असे तो म्हणू लागला. तुम्ही मला वाट पाहायला लावत आहात? तो जोरजोरात ओरडू लागला. मी दरवाजा बंद करण्याचा प्रयत्न केला असता, त्याने दरवाजा जोरात ढकलला. घरात घुसून त्याने जेवण घेतले आणि माझ्या चेहऱ्यावर जोरात ठोसा मारून पळाला, असेही तिने सांगितलं. यानंतर या डिलिव्हरी बॉयला अटक करण्यात आली होती. त्यानंतर त्याला गुरुवारी सशर्त जामीन मंजूर झाला. आणि त्यानं हितेशावर गंभिर आरोप करत तिच्याविरोधात एफआयर दाखल केली.
from Marathi Bollywood News, Marathi Cinema News https://ift.tt/3bVBdJK
