मुंबई: मराठमोळा अभिनेता त्याच्या उत्तम अभिनयासाठी ओळखला जात. अभिनयाची कौटुंबीक पार्श्वभूमी नसलेल्या सिद्धार्थला करिअरच्या सुरुवातीच्या काळात बराच संघर्ष करावा लागला पण त्याने हार मानली नाही. त्यामुळे आज मराठी सिनेसृष्टीत सिद्धार्थ नाव गाजताना दिसतं. सिद्धार्थ सोशल मीडियावर बराच सक्रिय आहे. नेहमीच तो तिच्या आगमी चित्रपटांचे अपडेट सोशल मीडियावरून देत असतो. तसेच जुने फोटो शेअर करून आठवणींना उजाळा देताना दिसतो. आताही त्यानं इन्स्टाग्रावर एक फोटो शेअर केला आहे. ज्याची सोशल मीडियावर जोरदार चर्चा सुरू आहे. प्रेक्षकांच्या मनाचा ठाव घेणारा अभिनेता म्हणजे महाराष्ट्राचा एनेर्जेंटिक स्टार सिद्धार्थ जाधव. सिद्धूने नुकताच त्याचा एक भावनिक मात्र अतिशय बोलका असा ब्लॅक अँड व्हाईट फोटो सोशल मीडियावर पोस्ट केला आहे. हा फोटो पोस्ट करताना त्याने दिलेले कॅप्शन सगळ्यांचे लक्ष वेधून घेत असून, या फोटोने जणू काही त्याला त्याच्या बालपणीच्या सिद्धूची आठवण करून दिल्याचे जाणवत आहे. सिद्धार्थनं हा फोटो इन्स्टाग्रामवर शेअर करताना लिहिलं, 'माझ्या आजपर्यंतच्या आयुष्यातला सर्वात सुंदर फोटो... मी आणि माझं 'बालपण' आम्ही एकमेकांच्या बाजूला बसलो होतो. पण बोललो काहीच नाही.. फक्त अनुभवलं एकमेकांना... तेजस नेरुरकर मित्रा मी तुझा मनापासून आभारी आहे... आज माझ्या सिध्दूला तू मला भेटवलंस... आई, पप्पा, दादा , पिंकी.. तुम्हाला खूप सारं प्रेम.' या फोटोमध्ये सिद्धार्थ जाधव एका लहान मुलासोबत बसलेला दिसत आहे. सगळ्यांनाच माहित आहे की, सिद्धार्थ अतिशय प्रतिकूल परिस्थितीमधून केवळ मेहनतीच्या जोरावर सुपरस्टार या पदापर्यत पोहोचला आहे. कदाचित या लहान मुलाने त्याला त्याच संघर्षाच्या दिवसांची आठवण करून दिल्याचा भास त्याच्या या भावनिक पोस्ट मधून होत आहे. सिद्धार्थचा हा फोटो आणि ह्या फोटोचे कॅप्शन खूप व्हायरल होत असून, चाहत्यांनी देखील त्याच्या या फोटोवर अनेक कमेंट्स आणि लाइक्स देत पसंतीची पोचपावती दिली आहे.
from Marathi Bollywood News, Marathi Cinema News https://ift.tt/30BnbGK
