मुंबई: सोनी टीव्हीवरील लोकप्रिय सिंगिंग रिअलिटी शो इंडियन आयडल सध्या खूप चर्चेत आहे. या स्पर्धकांमध्ये नेहमीच चढाओढ दिसते. एक पेक्षा जबरदस्त देणाऱ्या या स्पर्धकांनी स्वतःची वेगळी ओळख निर्माण केली आहे. असाच एक स्पर्धक सवाई भट्ट. शोच्या सुरुवातीपासून सोशल मीडियावर चर्चेत आहेत. पण नुकत्याच झालेल्या एक एपिसोड असं काही घडलं की परीक्षकांनी सवाई भट्टला परफॉर्मन्स दरम्यानच थांबवलं. नुकत्याच प्रसारित झालेल्या एपिसोडमध्ये निर्माती एकता कपूर आणि अभिनेता जितेंद्र यांनी हजेरी लावली होती. एकता कपूरची नवी वेब सीरिज मॅरीड वूमनची टीम सुद्धा यावेळी इंडियन आयडलच्या मंचावर उपस्थित होती. यावेळी जितेंद्र यांनी सुद्धा स्पर्धकांचं कौतुक करण्यासाठी या शोमध्ये हजेरी लावली होती. या एपिसोडमध्ये स्पर्धक सवाई भट्ट यानं 'हाल क्या है दिलों का' हे गाणं गायलं. पण त्याच्या या परफॉर्मन्स दरम्यान परीक्षक आणि यांनी त्याला थांबवलं. सवाई भट्टनं जेव्हा 'हाल क्या है दिलों का' गायला सुरुवात केली त्यावेळी सर्वांनीच त्याचं कौतुक केलं पण अवघ्या काही मिनिटातच तो गाण्याच्या पुढच्या ओळी विसरला. ज्याचा परिणाम त्याच्या परफॉर्मन्सवर झाला. दोन वेळा हेच घडल्यानं अखेर परीक्षक विशाल ददलानी आणि हिमेश रेशमिया यांनी त्याला थांबवलं. त्यांनी प्रेक्षकांना सवाईला मतं देण्याचं आवाहन केलं आहे. कारण या परफॉर्मन्समुळे तो आता 'डेंजर झोन'मध्ये आहे. सवाई भट्टचा हा परफॉर्मन्स संपल्यानंतर एकता कपूर म्हणाली, 'हे गाणं माझं आणि माझ्या बाबांचं आवडतं गाणं आहे. चुका प्रत्येकांकडून होतात. पण त्यातून आपण काय शिकतो हे महत्त्वाचं असतं आणि एका ठराविक काळानंतर जेव्हा तू या सगळ्यातून पुढे जाशील तेव्हा तुला समजेल की तुझ्याकडून ही चूक होऊनही तू आज अशा ठिकाणी आहेस जिथे तुला असायला हवं.'
from Marathi Bollywood News, Marathi Cinema News https://ift.tt/3rLwzTX
