मुंबई: गायक निक जोनसचं पत्नी प्रियांका चोप्रावर किती प्रेम आहे हे तर सर्वांनाच माहीत आहे. हे दोघंही अनेकदा सोशल मीडियावर एकमेकांसाठी पोस्ट शेअर करत असतात. तसेच एकमेकांच्या पोस्टवर प्रेमळ कमेंट करतानाही दिसतात. गाला इव्हेंटपासून सुरू झालेली यांची लव्ह स्टोरी लग्नावर येऊन थांबली. प्रियांकाच्या आधी निकनं अनेक मुलींना डेट केलं होतं पण त्यातल्या कोणासोबतच लग्न करावं असा निर्णय त्यानं घेतला नव्हता. मग प्रियांकामध्ये असं काय खास होतं की निकनं तिच्याशी लग्न करण्याचा निर्णय घेतला. याबाबत त्यानं नुकत्याच दिलेल्या एका मुलाखतीमध्ये खुलासा केला. एका मुलाखतीत निकला त्यानं आतापर्यंत ज्या मुलींना डेट केलं त्या सर्वांमध्ये प्रियांका इतरांपेक्षा कशी वेगळी आहे असा प्रश्न विचारण्यात आला. त्यावर उत्तर देताना निकनं लग्नाच्या आधी त्याच्या आणि प्रियांकाच्या मैत्रीबद्दल सांगितलं ज्यामुळे त्यांच्यातलं नातं अधिकाधिक दृढ होत गेलं. निक म्हणाला, 'हे एक जादूई कनेक्शन असतं. जे कोणासोबतही होऊ शकतं आणि याबाबतीत मी नशीबवान आहे. प्रियांका आणि मी एकमेकांना डेट करायला सुरुवात करण्याआधी एकमेकांबद्दल जाणून घेण्याचा प्रयत्न केला. जेव्हा तुमच्या मैत्रीचा पाया घट्ट असतो तेव्हा तेव्हा रिलेशनशिप सुद्धा चांगल्या प्रकारे टिकून राहते आणि नैसर्गिकरित्या तुमचं नातं बहरत जात असं मला वाटतं.' निक पुढे म्हणाला, 'लग्नानंतर सुरुवातीची २ वर्षं खूपच चांगली गेली आहे. मी स्वतःला नशिबवान समजतो की, मला प्रियांकासारखी जीवनसाथी मिळाली. तिच्यावर मी पूर्णपणे विश्वास करू शकतो आणि त्याकडून या गोष्टी होत असतात.' काही दिवसांपूर्वी निकनं त्याच्या नव्या अल्बमबद्दल बोलताना प्रियांकाचं कौतुक केलं होतं. नव्या अल्बममधील गाणी ही केवळ गाणी नाही तर प्रियांकाच्या विरहात तिला लिहिलेली ही प्रेमपत्र आहेत असं निकनं यावेळी म्हटलं होतं. प्रियांका आणि निकनं २०१८ मध्ये हिंदू आणि ख्रिश्चन पद्धतीनं लग्न केलं होतं. त्यांचं हे लग्न जगभरात चर्चेचा विषय ठरलं होतं.
from Marathi Bollywood News, Marathi Cinema News https://ift.tt/30vMDND
