मुंबई: जेवढा चांगला अभिनेता आहे तेवढाच एक व्यक्ती म्हणून उत्तम आहे. याची प्रचिती नेहमीच सर्वांना येते. रणवीर आपल्या चाहत्यांचा खूप आदर करताना दिसतो. एवढंच नाही तर प्रेमानं त्यांच्याशी गप्पाही मारताना दिसतो. त्यामुळे त्याचे व्हिडीओ अनेकदा सोशल मीडियावर व्हायरल होताना दिसतात. आताही त्याचा एका चाहतीसोबतचा एक व्हिडीओ सोशल मीडियावर व्हायरल होताना दिसत आहे. सोशल मीडियावर व्हायरल झालेल्या या व्हिडीओमध्ये रणवीर सिंग एका अपार्टमेंटमधून बाहेर निघताना दिसत आहे. एवढ्यात एक महिला चाहती रणवीरला तिच्या घराच्या खिडकीतून हाक मारते. तिचा आवाज ऐकल्यावर कॅमेराला पोझ देणारा रणवीर लगेचच त्या महिलेकडे जातो आणि तिच्याशी हात मिळवतो आणि फोटोग्राफर्सना पोझ द्यायचं सोडून तो त्या चाहतीसोबत गप्पा मारताना दिसतो. रणवीर बराच वेळ त्या महिलेसोबत बोलताना दिसत आहे. रणवीरच्या या कृतीचं सोशल मीडियावर खूप कौतुक केलं जात आहे. चाहत्यांप्रती रणवीरचं प्रेम नेहमीच पाहायला मिळतं. त्यामुळेच रणवीरचा हा व्हिडीओ सोशल मीडियावर व्हायरल झाला आहे. यावेळी रणवीरनं डेनिम जॅकेट ब्लॅक टी-शर्ट आणि ट्राउझर घातली होती. यासोबतच त्यानं ब्लॅक कलरचा मास्क घातला होता. रणवीरच्या वर्कफ्रंट बद्दल बोलायचं तर त्याचा '८३' हा चित्रपट लवकरच प्रेक्षकांच्या भेटीला येणार आहे. करोना व्हायरस आणि लॉकडाऊनमुळे या चित्रपटाचं प्रदर्शन मागच्या वर्षभरापासून रखडलं आहे. दरम्यान आता हळूहळू सर्व ठिक होत असतानाच काही दिवसांपूर्वीच या चित्रपटाच्या प्रदर्शनाची तारीख ठरली आहे. हा चित्रपट येत्या ४ जूनला चित्रपटगृहात प्रदर्शित होणार आहे. '८३' हा चित्रट माजी क्रिकेट कर्णधार कपिल देव यांच्या बायोपिक आहे. हा चित्रपट १९८३ मधील भारताच्या विश्वचषक विजयावर आधारित आहे. रणवीर सिंग या चित्रपटात कपिल देव यांच्या भूमिकेत दिसणार असून रणवीरनं या भूमिकेसाठी बरीच मेहनत केली आहे. या चित्रपटात रणवीरसोबत दीपिका पदुकोण सुद्धा कपिल देव यांची पत्नी रोमी भाटिया यांची भूमिका साकारत आहे.
from Marathi Bollywood News, Marathi Cinema News https://ift.tt/3t4CyDF
