मुंबई ः सुपरस्टार अमिताभ बच्चन यांच्या दुस-या डोळ्याचे रविवारी ऑपरेशन झाले. डॉक्टरांनी हे ऑपरेशन वेळीच केल्यामुळे आपली दृष्टी कायम राहिली असून, हे सुंदर जग आपल्याला पाहता येणार असल्याबद्दल त्यांनी डॉक्टरांच्या टीमचे आभार मानले आहे. या ऑपरेशनबद्दल बिग बी यांनी ट्विट करून माहिती दिली. काही दिवसांपूर्वी अमिताभ यांनी आपल्या अधिकृत ब्लॉगमध्ये चाहत्यांना तब्येतीची माहिती दिली होती. ही माहिती देताना त्यांनी मेडिकल कंडिशन... सर्जरी... इतकेच नमूद केले होते. त्यामुळे त्यांना नेमके काय झाले याबद्दल त्यांच्या चाहत्यांना काळजी वाटत होती. त्यानंतर डोळ्याचे ऑपरेशन झाल्याची माहिती दिली होती. २७ फेब्रुवारी रोजी ब्लॉगमधूनच एका डोळ्याचे ऑपरेशन झाल्याचे त्यांनी सांगत तब्येत उत्तम असल्याचे सांगितले. या ऑपरेशननंतर पुन्हा रविवारी, १४ मार्च रोजी त्यांच्या दुस-याही डोळ्याचे ऑपरेशन झाले. याबद्दलची माहिती त्यांच्या ब्लॉगवर तसेच ट्विट करून दिली. त्यात बीग बी म्हणतात, 'हे जग खूपच सुंदर आहे...जे पाहणे आतापर्यंत तुम्ही मिस करत होता... रंग, आकार...आयुष्याला कलाटणी देणारा हा अनुभव... अत्याधुनिक मेडिकल उपचार पद्धती आणि डॉ. हिमांशु मेहता यांचे कौशल्य... वयोमानपरत्वे डोळ्यातील बुब्बुळावर आलेला पडदा आणि मोतीबिंदू काढून टाकला...' ' या गोष्टी करायला थोडा जरी उशीर झाला असता, तरी माझी दृष्टी गेली असती...त्यामुळे तुम्हांलाही एक सल्ला देतो... उशीर होण्याआधी उपचार करून घ्या...यामुळे पटकन रिकव्हर ही होता येते.... हे सगळं मी लिहू शकतोय याचा अर्थ माझे डोळे व्यवस्थित काम करत आहेत... बरोबर ना! ' चाहत्यांचेही मानले आभार आपल्या ब्लॉगच्या शेवटी या महानायकाने चाहत्यांचेही आभार मानले आहेत. ते लिहितात, ' तुमच्या शुभेच्छा आणि आपुलकीसाठी मनःपूर्वक आभार... माझी तब्येत उत्तम रहावी आणि लवकर सुधारण्यासाठी जे प्रार्थना करतात त्यांच्याबद्दल विचार करून मला खूप भरून आले आहे.' बीग बी यांचे आगामी चित्रपटआगामी काळात बीग बी यांचे एकामागोमाग एक सिनेमे प्रदर्शित होणार आहेत. यामध्ये रुमी जाफरी यांचा 'चेहेरे' हा सिनेमा असून त्यात इम्रान हाश्मी आणि रिया चक्रवर्ती आहे. सध्या अमिताभ अजय देवगणची निर्मिती असलेला थ्रिलर सिनेमा 'मेढे' चे शूटिंग करत आहेत. याशिवाय नागराज मंजुळे यांचा 'झुंड' आणि 'ब्रह्मास्त्र' या चित्रपटातही बीग बी यांची भूमिका आहे.
from Marathi Bollywood News, Marathi Cinema News https://ift.tt/3tlBwU4
