मुंबई: दिग्दर्शक यांचा बहुचर्चित चित्रपट बद्दल प्रेक्षकांमध्ये कमालीची उत्सुकता आहे. या चित्रपटात दाक्षिणात्य अभिनेता ज्यूनिअर NTR, रामचरण, अजय देवगण यांच्यासोबतच अभिनेत्री आलिया भट्टची प्रमुख भूमिका आहे. आज आलियाच्या वाढदिवसाच्या निमित्तानं या चित्रपटातील तिचा फर्स्ट लुक रिलीज करण्यात आला. या चित्रपटात ती सीतेची भूमिका साकारत आहे. आलियाच्या या फर्स्ट लुकवर चाहत्यांच्या तुफान प्रतिक्रिया पाहायला मिळत आहेत. राजामौली यांच्या बिग बजेट RRR मध्ये आलियाची मुख्य भूमिका असून आलियाच्या फर्स्ट लुकला चाहत्यांची पसंती मिळताना दिसत आहे. आलियानं तिच्या सोशल मीडियावर तिच्या या आगामी चित्रपटाचा फर्स्ट लुक शेअर केला. ज्यात हिरव्या रंगाची साडी, लांबसडक केस आणि चेहऱ्यावर कमालीचा निरागसपणा अशा वेशात दिसत आहे. तिच्या या लुकची सोशल मीडियावर जोरदार चर्चा सुरू आहे. आतापर्यंत या चित्रपटातील कलाकार ज्यूनिअर NTR आणि रामचरण यांचे लुक रिलीज झाले आहेत. हा राजामौलींचा एक पीरियड अॅक्शन ड्रामा असणार आहे. ज्याची निर्मिती डीव्हीव्ही दानय्या यांनी केलं आहे. या चित्रपटात अजय देवगण आणि श्रिया सरण यांच्याही महत्त्वपूर्ण भूमिका आहेत. हा चित्रपट २०२० मध्येच रिलीज होणार होता मात्र करोना व्हायरसमुळे झालेल्या लॉकडाऊननंतर या चित्रपटाची रिलीज डेट पुढे ढकलण्यात आली. आता हा चित्रपट येत्या १३ ऑक्टोबरला चित्रपटगृहात रिलीज होणार आहे. या वर्षात आलियाकडे RRR सोबतच आणखी दोन बिग बजेट चित्रपट आहेत. ज्यात एक दिग्दर्शक संजय लीला भन्साळी यांचा गंगूबाई काठियावाडी हा चित्रपट आहे ज्यात आलिया मुख्य भूमिकेत असून ती माफिया क्वीन गंगूबाई काठियावाडी यांची भूमिका साकारणार आहे. याव्यतिरिक्त अयान मुखर्जीच्या ब्रह्मास्त्र चित्रपटातही आलिया मुख्य भूमिकेत असून ती रणबीर कपूरसोबत पहिल्यांदाच स्क्रिन शेअर करणार आहे.
from Marathi Bollywood News, Marathi Cinema News https://ift.tt/3qP8jyW
