मुंबई: रूमी जाफरी यांच्या दिग्ददर्शनात तयार झालेला '' हा असा चित्रपट आहे. ज्यावर अभिनेत्री बॉलिवूड करिअर अवलंबून आहे. ती पुन्हा बॉलिवूडमध्ये स्वतःची जागा तयार करते की, नाही हे तर हा चित्रपट रिलीज झाल्यानंतर स्पष्ट होणार आहे. पण सुशांतसिंह राजपूतच्या आत्महत्येनंतर रियावर ज्या प्रकारे टीका झाली ती लक्षात घेता येत्या काळात या चित्रपटाच्या प्रदर्शनाबाबत शंका आहे. हा चित्रपट बॉयकॉट तर होणार नाही असा प्रश्न उपस्थित होत आहे. पण आता यावर चित्रपटाच्या निर्मात्यांनी उत्तर दिलं आहे. चेहरे चित्रपटाचे निर्माता अशोक पंडित यांनी रिया चक्रवर्तीबाबत नुकत्याच दिलेल्या एका मुलाखतीत सविस्तर चर्चा केली. त्यांनी रिया चक्रवर्ती या चित्रपटाचा महत्त्वाचा भाग आहे हे स्पष्ट केलं आणि तिच्यामुळे चित्रपटावर कोणताही परिणाम होणार नाही. चित्रपट बॉयकॉट केला जाणार नाही असं सांगितलं. ते म्हणाले, हा चित्रपट अजिबात बॉयकॉट होणार नाही. तुम्ही युट्यूबवर पाहू शकता आमचा ट्रेलर तिथे आहे आणि त्यावर फारशा नकारात्मक प्रतिक्रिया आलेल्या नाहीत किंवा बॉयकॉटबाबात कोणीही काही बोललेलं नाही. थोडीफार नकारात्मकता सध्या सर्वच चित्रपटांच्या बाबतीत पाहायला मिळते. चेहरे चित्रपटाचे पोस्टर्स जेव्हा रिलीज झाले त्यावेळी या चित्रपटात अभिनेत्री क्रिस्टल डिसूझानं रियाला रिप्लेस केलं असं बोललं जात होतं मात्र या अफवाही निर्मात्यांनी फेटाळल्या आहेत. ते म्हणाले, क्रिस्टल या चित्रपटात एका वेगळ्या भूमिकेत आहे. तिच्या जागी सुरुवातीला आणि कृती खारबंदाला घेण्याचा विचार करत होतो मात्र नंतर क्रिस्टलला कास्ट करण्यात आलं. पण याचा रियाच्या भूमिकेशी काहीही संबंध नाही. ती या चित्रपटात पहिल्यापासूनच महत्त्वाच्या भूमिकेत होती. त्यामुळे तिला काढून टाकण्यात आलेलं नाही. ती या चित्रपटाचा महत्त्वाचा भाग आहे आणि कायम राहणार आहे. चेहरे हा चित्रपट येत्या ९ एप्रिलला चित्रपटगृहात रिलीज होणार आहे. या चित्रपटात अमिताभ बच्चन यांच्यासोबत अभिनेता इम्रान हाश्मी सुद्धा प्रमुख भूमिकेत आहे. काही दिवसांपूर्वीच या चित्रपटाचा ट्रेलर रिलीज झाला. ज्याची सोशल मीडियावर खूप चर्चा होताना दिसत आहे. प्रेक्षकांमध्येही या चित्रपटाबाबत कमालीची उत्सुकता आहे. यासोबत या चित्रपटामुळे अमिताभ बच्चन आणि अभिषेक बच्चन यांच्यात टक्कर होणार आहे कारण अभिषेकचा 'द बिग बुल' हा चित्रपट ८ एप्रिलला ओटीटी प्लाटफॉर्मवर रिलीज होणार आहे.
from Marathi Bollywood News, Marathi Cinema News https://ift.tt/3c6MEy5
