मुंबई: करोना व्हायरसमुळे मागच्या वर्षभरात बॉलिवूडवर मोठा प्रभाव पडला आहे. आर्थिक नुकसानासोबतच अनेक बॉलिवूड कलाकारांना करोनाचा संसर्ग झाला होता. मागच्या काही काळात हे प्रमाण कमी झाल्यानं कलाकारांना दिलासा मिळाला होता. मात्र आता पुन्हा एकदा बॉलिवूकरांची चिंता वाढलेली दिसत आहे. कारण मागच्या काही दिवसांत एकामागोमाग एक बॉलिवूड कलाकारांना करोनाची लागण झाल्याचं समोर येत आहे. रणबीर कपूर, , यांच्या मागोमाग आता आणखी एका अभिनेत्याची करोना टेस्ट पॉझिटिव्ह आली आहे. 'गली बॉय' फेम बॉलिवूड अभिनेता सिद्धांत चतुर्वेदीची करोना टेस्ट पॉझिटिव्ह आली आहे. त्यानं इन्स्टाग्राम स्टोरीच्या माध्यमातून ही माहिती चाहत्यांशी शेअर केली. मागच्या काही दिवसांपासून तो इशान खट्टर आणि कतरिना कैफ यांच्यासोबत 'फोन भूत' चित्रपटाचं शूटिंग करत होता. सिद्धांतनं त्याच्या पोस्टमध्ये लिहिलं, 'माझी विचारपूस केल्याबद्दल तुम्हा सर्वांचे आभार, माझी करोना टेस्ट पॉझिटिव्ह आली आहे. सध्या मी घरी आहे आणि ठिक आहे. डॉक्टरांच्या सल्ल्याने उपचार सुरू आहेत आणि योग्य ती सर्व काळजी मी घेत आहे.' अनेक बॉलिवूड कलाकारांना करोनाची लागण सिद्धांत चतुर्वेदीच्या अगोदर अभिनेत्री तारा सुतारियाला सुद्धा करोनाची लागण झाल्याचं समोर आलं होतं. या व्यतिरिक्त आणखी काही बॉलिवूड कलाकारांनी करोना व्हायरसचा संसर्ग झाला आहे. ज्यात रणबीर कपूर, मनोज बाजपेयी, आशिष विद्यार्थी आणि संजय लीला भन्साळी अशा सेलिब्रेटींचा समावेश आहे. हे सर्व कलाकार सध्या क्वारंटाइन असून करोनाचा वाढता संसर्ग सध्या बॉलिवूड कलाकारांसाठी चिंतेचा विषय ठरत आहे.
from Marathi Bollywood News, Marathi Cinema News https://ift.tt/3bJDS9e
