मुंबई- अभिनेत्री आणि यांना गेल्या वर्षी नोव्हेंबरमध्ये मुलगा झाला. त्या दोघांना आपलं खासगी आयुष्य झगमगत्या दुनियेपासून दूरच ठेवलं आहे. दोघांनीही आतापर्यंत त्यांच्या मुलाचा फोटो सोशल मीडियावर शेअर केला नव्हता. परंतु अलिकडेच अमृताने मुलगा वीर आणि अनमोलसोबतचा फोटो सोशल मीडियावर शेअर केला आहे. या फोटोमध्ये वीर खूपच क्युट दिसत आहे. वीर आणि अनमोलसोबतचा फोटो पोस्ट करताना 'हमारा संसार हमारी खुशी... वीर' असं कॅप्शनही दिलं आहे. या फोटोमध्ये तिघांचे चेहरे अतिशय प्रसन्न दिसत आहेत. या फोटोला नेटकऱ्यांनी भरभरून प्रतिसाद देत त्यांना शुभेच्छा दिल्या आहेत. दरम्यान, आई झाल्याचा अनुभव शेअर करताना अमृताने सांगितलं की, 'आई होण्याचा जो आनंद मला मिळाला आहे तो केवळ अवर्णनीय आहे.' 'मी रोज वीरला बघते तेव्हा आई झाल्याचा माझा आनंद अधिक द्विगुणीत होतो. मी आई झाले यावर माझाच कधी कधी विश्वास बसत नाही. वीर आल्यानंतर आमचा आयुष्यातील प्रत्येक दिवस आनंद देणारा आहे, त्याच्यामुळे मी खूप उत्साहीत झाले आहे. त्याच्यामुळे माझ्या मनात संमिश्र भावना असून त्या शब्दांत व्यक्त करणे खूप अवघड आहे.' अमृता आणि अनमोल यांनी २०१६ मध्ये गपचुप लग्न केले. एका मुलाखतीच्या निमित्ताने या दोघांची भेट झाली होती. त्यानंतर ते एकमेकांच्या प्रेमात पडले. जवळपास सात वर्षे एकमेकांना डेट केल्यानंतर त्यांनी लग्न करण्याचा निर्णय घेतला. अमृताने २००२ मध्ये अब के बरस या सिनेमातून बॉलिवूडमध्ये प्रवेश केला. त्यानंतर ती द लिजेंट ऑफ भगतसिंह मध्ये दिसली होती. परंतु इश्क विश्क आणि विवाह या शाहिद कपूर सोबत आलेल्या तिच्या सिनेमांमधून तिला ओळख मिळाली.
from Marathi Bollywood News, Marathi Cinema News https://ift.tt/3lwnkF0
