मुंबई: आमिर खानची मुलगी नेहमीच तिच्या रिलेशनशिपमुळे सोशल मीडियावर चर्चेत असते. बॉलिवूड पदार्पण न केलेली इरा सोशल मीडियावर बरीच सक्रिय आहे आणि तिचा सोशल मीडियावर तिचा मोठा चाहता वर्ग सुद्धा आहे. सोशल मीडियावर सक्रिय असणाऱ्या इरानं नुकतीच एक महत्त्वाची गोष्ट इन्स्टाग्रामवर शेअर केली आहे. इरानं आज २२ मार्च पासून काही काम सुरू केलं असून त्यासाठी तिला काम करण्यालाठी काही लोकांची गरज आहे. ज्यासाठी जॉबच्या जागा असल्याची पोस्ट इरानं इन्स्टाग्रावर शेअर केली आहे. इरानं मानसिक तणावीशी लढत असलेल्या लोकांसाठी मदतीचा हात पुढे केला आहे. यासाठी इराला एका टीमची गरज आहे आणि त्यासाठी तिनं सोशल मीडियावर जॉब व्हेकन्सीची पोस्ट केली आहे. यात तिनं कुठले लोक या कामासाठी अप्लाय करू शकतात. त्यांना काय काम करावं लागणार आहे, किती तासांची शिफ्ट आहे आणि किती पगार मिळणार याचे सर्व डिटेल्स इरानं तिच्या पोस्टमध्ये दिले आहेत. इरानं तिच्या इन्स्टाग्राम स्टोरीमध्ये सांगितलं की, तिला २५ इंटर्न्सची गरज आहे. हे असे लोक असावेत ज्यांमुळे वेगवेगळ्या भाषा बोलणारे लोक यात सहभागी होऊ शकतील. या कामासाठी ८ तासांची शिफ्ट असणार आहे. हे काम २२ मार्च पासून सुरू होत आहे. या कामासाठी इरा महिना ५ हजार रुपये पगार देणार आहे. इरानं यासाठी इच्छुक लोकांना आपले सीव्ही पाठवण्यास सांगितलं असून यासोबत तिनं एक आयडी सुद्धा शेअर केला आहे. याशिवाय इरानं जे लोक वॉलेंटिअर म्हणून काम करू इच्छितात त्यांच्यासाठी इरानं एक वेगळा मेल आयडी दिला आहे. मानसिक आरोग्यासाठी जागरुक असलेल्या इरानं अनेकदा स्वतःच्या डिप्रेशनबाबत सांगितलं आहे. मागच्या वर्षी 'वर्ल्ड मेंटल हेल्थ डे'च्या निमित्तानं इरानं एक व्हिडीओ शेअर केला होता. ज्यात तिनं स्वतःचं डिप्रेशन आणि त्यासोबतचा संघर्ष यावर भाष्य केलं होतं. या व्हिडीओमध्ये तिनं जवळपास ४ वर्ष आपण डिप्रेशनचा सामना केल्याचं सांगितलं होतं. इरा आपल्या खासगी आयुष्यांबाबत नेहमीच बिनधास्तपणे बोलताना दिसते. दोन वर्षांपूर्वी जेव्हा इरा मिशाल कृपलानी याला डेट करत होती. त्यावेळी तिनं त्याच्यासोबत काही फोटो आणि व्हिडीओ इन्स्टाग्रामवर शेअर केले होते. दरम्यान २०१९ मध्ये या दोघांचं ब्रेकअप झालं. सध्या ती वडील आमिर खानचा फिटनेस कोच नुपूर शिखरे याला डेट करत आहे.
from Marathi Bollywood News, Marathi Cinema News https://ift.tt/3c4FavD
