मुंबईः मुंबईतील वांद्रे येथील अतिरिक्त मुख्य महानगर दंडाधिकारी कोर्टाने अभिनेत्री कंगना राणावतसह ( ) आणखी तीन जणांविरोधात फसवणुकीचा गुन्हा दाखल करण्याचे आदेश दिले आहेत. यानंतर खार पोलिसांनी ( ) गुन्हा दाखल केला आहे. 'Didda द वॉरीयर क्वीन ऑफ काश्मीर' या पुस्तकाचे लेखक आशिष कौल यांनी वांद्रे येथील अतिरिक्त मुख्य महानगर दंडाधिकारी कोर्टात तक्रार दाखल केली होती. या प्रकरणी कोर्टाने अभिनेत्री , कमलकुमार जैना, रंगोली चांडेल आणि अक्षत राणावत यांच्या विरोधात अन्यायाने विश्वासघात, फसवणूक आणि कॉपीराइटचे उल्लंघन इत्यादी कलमान्वये गुन्हा दाखल करण्याचे आदेश दिले आहेत. सीआरपीसी १५६(३) अन्वये हा गुन्हा दाखल करण्याचे आदेश कोर्टाने दिलेत. कोर्टाच्या आदेशास अनुसार खार पोलिसांनी एम. ई. सी. आर. १/२०२१ भादंवि कलम ४०६,४१५,४१८,३४,१२०(ब) सह ५१,६३,६३अ कॉपीराइट अॅक्ट अन्वये गुन्हा दाखल केला आहे. आशिष कौल यांनी त्यांच्या पुस्तकातील स्टोरीचा आशय असलेला ई मेल कंगना राणावतला पाठवला होता. सदर ई मेलमधील स्टोरीचा काही भाग कंगना राणावत हिने तिच्या दुसऱ्या सिनेमाची घोषणा करताना मूळ लेखकाच्या परवानगीशिवाय ट्वीटमध्ये वापरला आणि त्यांची अन्यायाने विश्वासघात करून फसवणूक केली, असा तक्रार आशिष कौल यांनी केली आहे.
from Marathi Bollywood News, Marathi Cinema News https://ift.tt/3qCgtKZ
