मुंबई - आणि त्याची पत्नी अभिनेत्री यांच्याकडे पुन्हा एकदा 'गुड न्यूज' आहे. गीता बासरा हिने इन्स्टाग्रामवर पोस्ट करत ही बातमी शेअर केली आहे. गीताने पोस्ट केलेल्या फोटोंमध्ये ती, हरभजन आणि त्यांची लाडकी लेक हिनाया दिसत आहे. हिनायाच्या हातात 'लवकरच मी आता ताई होणार आहे,' असा मेसेज असलेला टीशर्ट आहे. तर 'कमिंग सून... जुलै २०२१' अशी कॅप्शन गीताने या सर्व फोटोंना दिली आहे. गीता बासरा हिने इम्रान हाश्मीसोबत २००६ मध्ये आलेल्या 'दिल दिया है' या सिनेमातून अभिनयाच्या क्षेत्रात पदार्पण केले. त्यानंतर तिने 'द ट्रेन', 'जिला गाजिबाद' आणि 'सेकंड हँड हसबंड' या सिनेमात काम केले होते. याच दरम्यान गीता आणि हरभजन यांची भेट झाली. तब्बल सात वर्षे ते रिलेशनमध्ये असूनही त्यांनी सार्वजनिकरित्या आपल्या नात्याची कबुली दिली नव्हती. मात्र, हरभजनचे जवळचे मित्र तिला वहिनी म्हणूनच हाक मारायचे. इतकेच नाही तर गीता थोडीथोडकी नाही तर सहा वर्षे हरभजनसाठी करवाचौथचे व्रतही करत होती. अखेर २९ ऑक्टोबर २०१५ मध्ये या दोघांचे मोठ्या धुमधडाक्यात लग्न झाले. त्यानंतर लगेचच म्हणजे २०१६ मध्ये हिनायाचा जन्म झाला. आता हे तिघेजण त्यांच्या घरी येणाऱ्या नवीन सदस्याची आतुरतेने वाट बघत आहेत. ही बातमी शेअर केल्यानंतर गीता आणि हरभजन यांच्यावर चाहते आणि त्यांचे हितचिंतक शुभेच्छांचा वर्षाव करत आहेत.
from Marathi Bollywood News, Marathi Cinema News https://ift.tt/38GXh8W
