मुंबई: अभिनेत्री नेहमीच तिच्या वक्तव्यांमुळे सोशल मीडियावर चर्चेत असते. काही काळापूर्वीच राखीनं बिग बॉसचा १४ वा सीझन तुफान गाजवला. एवढंच नाही तर ती टॉप ५ स्पर्धकांमध्येही पोहोचली होती. पण त्यानंतर १४ लाखांची रक्कम घेऊन राखी घरातून बाहेर पडली. बिग बॉसच्या घरातून बाहेप पडल्यानंतर राखी मागच्या काही दिवसांपासून कॅन्सरशी लढा देणाऱ्या आपल्या आईवर उपचार करून घेण्यात बिझी आहे. सोशल मीडियावरून तिनं आईसाठी प्रार्थना करा असं भावनिक आवाहन सुद्धा केलं होतं. दरम्यान बिग बॉसच्या घरातून बाहेर पडल्यानंतर काही दिवसांपूर्वीच दिलेल्या एका मुलाखतीत राखीनं दावा केला होता की, तिनं प्रसिद्ध गीतकार आणि लेखक यांच्यासोबत तिची लाइफ स्टोरी शेअर केली आहे. राखीच्या म्हणण्यानुसार हे सर्व करोना व्हायरसचा प्रसार होण्याआधी घडलं होतं आणि त्यावेळी जावेद अख्तर यांनी तिच्या जीवनावर आधारित बायोपिक तयार करण्याची इच्छा बोलून दाखवली होती. राखीनं सांगितलं की, या संदर्भात बोलण्यासाठी जावेद यांनी तिला भेटायला बोलवलं होतं मात्र करोना व्हायरसमुळे त्यावेळी ते शक्य झालं नाही. पण आता ते तिच्या जीवनावर बायोपिकची निर्मिती करु इच्छित आहेत. राखीच्या या दाव्यानंतर सोशल मीडियावर त्याची जोरदार चर्चा झाली. जावेद अख्तर खरंच राखीच्या जीवनावर बायोपिक तयार करण्याचा आणि त्याची कथा लिहिण्याचा विचार करत आहेत का? असा सवाल उपस्थित केला जाऊ लागला. यावर आता स्वतः जावेद अख्तर यांनीच प्रतिक्रिया दिली आहे. ते म्हणाले, 'हे सर्व खरं आहे. मी राखीला भेटलो होतो. मीच तिला सांगितलं होतं की तिच्या लाइफ स्टोरीवर आधारित एक स्क्रिप्ट मी लवकरच लिहणार आहे.' जावेद अख्तर पुढे म्हणाले, '४-५ वर्षांपूर्वी राखी सावंतशी माझी भेट एका फ्लाइटमध्ये झाली होती. त्यावळी तिनं तिच्या बालपणापासून ते तिच्या आताच्या लाइफपर्यंत केलेला संघर्ष सांगितला होता. त्यावेळीच मी तिला तुझ्या आयुष्यावर मला स्क्रिप्ट लिहायची आहे असं सांगितलं होतं. दरम्यानच्या काळात आम्ही भेटून यावर सविस्तर चर्चा करणार होतो मात्र करोनामुळे हे शक्य झालं नाही.'
from Marathi Bollywood News, Marathi Cinema News https://ift.tt/3rmmAEH
