स्वाती भट नायक-नायिकेच्या संसारात त्रास देणारी, भांडण लावणारी खाष्ट सासू किंवा खलनायिका छोट्या पडद्यावर अनेकदा बघितली आहे. पण अलीकडे सुरू असलेल्या काही मालिकांमध्ये मात्र सासू-सासरे प्रेमळ तर नायिकेची आई मात्र विरोधात असं चित्र दिसत आहे. नायिकेची आई मालिकेतील प्रमुख जोडीच्या प्रेमकहाणीत आडकाठी आणण्याचा प्रयत्न करत असल्याचा ट्रॅक सध्या मालिकांमध्ये सुरू आहे. साधी, सोज्वळ अशी प्रतिमा न दाखवता ही व्यक्तिरेखा नकारात्मकतेकडे झुकणारी दाखवण्यात येत आहे. मुलीबद्दल अति संवेदनशील होऊन वागणं, नायक-नायिकेच्या आर्थिक परिस्थितीमधला फरक अशा वेगवेगळ्या कारणांनी ग्रे शेडमधील नायिकेच्या आईचं पात्र उभं केलं जातंय. '' यातील सईची आई ही स्वतःचं स्टेटस जपणारी, श्रीमंती थाट मिरवणारी अशी आहे. स्वतःची प्रतिमा जपण्यासाठी वेळप्रसंगी ती मुलीला तिच्या मनाविरुद्ध लग्नाला उभी करते. 'सासरकडची मंडळी कडक शिस्तीचे असणं हे अनेकदा दाखवलं जातं. पण सईच्या आईसारखे महत्त्वाकांक्षी, प्रतिष्ठेसाठी वाटेल ते करणारे असेही पात्र समाजात कुठेतरी असतेच. या दोघींच्या या तिखट नात्याच्या पार्श्वभूमीवर सईचे तिच्या बाबांशी असलेलं गोड नातं प्रेक्षकांना बघायला आवडतंय', असं या मालिकेचे क्रिएटिव्ह हेड सुबोध खानोलकर यांनी सांगितलं. '' या मालिकेतही श्रीमंत, बिझनेस वुमन, स्वतंत्र अशी अनन्याची आई दाखविली आहे. 'पैसा असेल तरच सुखी होता येतं अशा विचारांची आई आणि याउलट छोट्या छोट्या गोष्टींमध्ये आनंद शोधणारी अनन्या अशी केमिस्ट्री दाखवली आहे. पूर्णपणे खलनायिकेकडे झुकणारी अशी ही अनन्याची आई नसली तरी मुलीच्या सुखासाठी नकारात्मकतेकडे वळलेली आहे', असं या मालिकेतील अनन्या अर्थात रुपल नंद सांगते. आपल्या मुलीचं सुद्धा श्रीमंत मोठ्या घरात लग्न व्हावं या इच्छेनं या मालिकेत नायिकेच्या आईचं म्हणणं आहे. याउलट 'येऊ कशी तशी मी नांदायला' मध्ये गरीब कुटुंबात वाढलेली स्वीटू मोठी स्वप्न बघेल या विचारानं ओम-स्वीटूच्या प्रेमाला सुरुवातीपासूनच तिची आई विरोध करताना दाखवत आहेत. 'रंग माझा वेगळा' या मालिकेत दिपाच्या सावत्र आईचं पात्र दाखवलं आहे. कट-कारस्थानं करून दिपाचा संसार ती सुखाचा होऊ देत नाही. '' मधील माधुरी अर्थात शर्वरीची आई ही स्वाभिमानी आणि स्वतःची ठाम मत असलेली अशी आहे. एकदा फसवले गेल्यावर पुन्हा शर्वरीनं शंतनूच्या बाजूनं उभं राहणं पसंत नसल्यानेच ती त्या दोघांच्या एकत्र येण्याला विरोध करताना दिसते. 'मालिका इतक्या लोकप्रिय असतात की मालिका पुढे कोणतं वळण घेणार याविषयी प्रेक्षक आधीपासून अंदाज बांधायला लागतात. म्हणूनच त्यात काहीतरी वेगळेपण आणण्याचा नेहमीच प्रयत्न करावा लागतो. तसंच मुलीच्या सुखासाठी आई म्हणून विचार करणारी आणि प्रॅक्टिकल अशी व्यक्तिरेखा असल्यानेच शर्वरीच्या आईचा विरोध प्रेक्षकांना पटतो, वास्तववादी वाटतो', असं मालिकेचा दिग्दर्शक वैभव चिंचाळकरला वाटतं. मालिकांमधल्या या ट्रॅकमुळे हा आई विरोधात असलेला नवा ट्रेंड प्रेक्षकांना बघायला मिळतोय. आई कडक; तर बाबा आणि सासर प्रेमळएकीकडे नायिकेची आई नकारात्मक भूमिकेत दाखवली जात असतानाच काही मालिकांमध्ये नायिका मात्र 'डॅडाच गर्ल' दाखविली जात आहे. बाप-लेकीचं बाँडिंग प्रेक्षकांना आवडतंय. तर सासू-सासरे सुद्धा प्रेमळ आणि पाठीशी उभे राहणारे दाखवले आहेत.
from Marathi Bollywood News, Marathi Cinema News https://ift.tt/3c5e8D3
