मुंबई: बॉलिवूड दिग्दर्शक मोहित सुरी लवकरच एक व्हिलनचा सिक्वेल प्रेक्षकांच्या भेटीला घेऊन येत आहेत. 'एक व्हिलन रिटर्न्स'मध्ये आणि पहिल्यांदाच स्क्रिन शेअर करणार आहेत. काही दिवसांपूर्वीच दिशा आणि जॉननं मुंबईमध्ये या चित्रपटाच्या शूटिंगला सुरुवात केली होती. पण मुंबई पोलिसांनी चित्रपटाच्या सेटवर जाऊन हे शूटिंग थाबंवलं आहे. चित्रपटाच्या शूटिंगच्या वेळी कोविड-१९ च्या नियमांचं पालन टीम कडून केलं गेलं नसल्याचं पोलिसांचं म्हणणं आहे. टाइम्स ऑफ इंडियानं दिलेल्या वृत्तानुसार एक व्हिलन रिटर्न्सचं शूटिंग शुक्रवारी रात्री वरळीमध्ये सुरू होतं. काही सीन शूट झाल्यानंतर या पोलिसांनी या शूटिंग लोकेशनवर येत हे शूटिंग थांबवलं. चित्रपटाच्या सेटवर कोणत्याही प्रकारचं सोशल डिस्टंसिंगचं पालन केलं जात नसल्यानं हे शूटिंग थांबवण्यात आल्याचं पोलिसांनी सांगितलं. दिशा पाटनी आणि जॉन अब्राहम यांच्यासोबतच या चित्रपटात तारा सुतारिया आणि अर्जुन कपूर यांच्याही महत्त्वपूर्ण भूमिका आहेत. हा चित्रपट २०१४ मध्ये आलेल्या श्रद्धा कपूर, सिद्धार्थ मल्होत्रा आणि रितेश देशमुख यांच्या एक व्हिलन चित्रपटाचा सीक्वेल आहे. हा चित्रपट २०२२ मध्ये प्रेक्षकांच्या भेटीला येणार असल्याचं बोललं जात आहे मात्र अद्याप त्याची नेमकी रिलीज डेट ठरलेली नाही. दिशानं तिच्या इन्स्टाग्रामवर काही दिवसांपूर्वीच चित्रपटाच्या सेटवरील पहिला फोटो शेअर केला होता. ज्यात तिनं एक व्हिलन रिटर्न्सची हुडी घातलेली पाहायला मिळली होती. हा फोटो शेअर करताना दिशानं लिहिलं, 'आम्ही निघालो.' या चित्रपटाव्यतिरिक्त दिशा लवकरच सलमान खानच्या 'राधे' चित्रपटातून प्रेक्षकांच्या भेटीला येणार आहे.
from Marathi Bollywood News, Marathi Cinema News https://ift.tt/3qk9INJ
