मुंबई- यांचे आयुष्य एखाद्या सिनेमासारखे आहेत. ग्लॅमर विश्वात त्यांचा झालेला प्रवेश, त्यानंतर विवाहित पुरुषाबरोबरचे प्रेमसंबंध, कुमारी माता होण्याचा निर्णय घेणे आणि मुलीला जन्म दिल्यानंतर तिला एकटीने वाढवणे.. ५० व्या वर्षाच्या आसपास असताना लग्न करणं अशा अनेक नाट्यपूर्ण घटना त्यांच्या आयुष्यात घडल्या आहेत. अर्थात आयुष्यातील या घटनांमधून त्या खूप काही गोष्टी शिकल्याचं त्या सांगतात. त्यांनी आयुष्यात जे दुःख भोगले आहे, ते इतर मुलींना भोगावे लागू नये, असा विचार मांडणारा एक व्हिडीओ त्यांनी पोस्ट केला होता. काय म्हणतात नीना गुप्ता काही दिवसांपूर्वी शेअर केलेल्या व्हिडीओमध्ये नीना सांगतात की, मुलींनी विवाहित पुरुषांच्या प्रेमात कधीच पडू नये. विवाहित पुरुष जेव्हा तरुण मुलींबरोबर जवळीक वाढवण्याचा प्रयत्न करतात तेव्हा बायकोबरोबर पटत नाहीत असं कारण ते देतात. मग तुम्ही घटस्फोट का घेत नाही असे जेव्हा त्यांना विचारले जाते तेव्हा ते म्हणतात हे सोपे नसते, किंवा मग मुलांचे कारण ते पुढे करत लग्न करणे टाळतात. मी हे सगळे सहन केले आहे हे सगळे अनुभव मी घेतले आहेत, असे नीना सांगतात. त्या पुढे म्हणतात की म्हणूनच मी आजच्या तरुणींना आवाहन करते की कोणत्याही परिस्थितीमध्ये विवाहित पुरुषांच्या प्रेमात पडू नका. हे केवळ शारिरीक आकर्षण असते या व्हिडीओमध्ये नीना पुढे सांगतात की, विवाहित पुरुषांचे तुमच्यावर प्रेम नसते. केवळ त्यांना शारिरीक आकर्षण असते, त्यामुळेच ते मुलींच्या प्रेमात पडतात. मग लग्न झाल्याचे ते लपवतात, ते सुखी नसल्याचे सांगतात. या सर्व प्रकरणात महिलांनाच दुःख सोसावे लागते. महिला आपले सर्वस्व त्या पुरुषाला देतात त्याच्या बदल्यात त्यांची फसवणूक होते. यातून सावरले... नीना गुप्ता पुढे सांगतात, या सर्व घटनांमधून त्या मोठ्या हिंमतीने बाहेर पडल्या. परंतु सगळ्याच महिलांना हे जमतं असं नाही. त्या मानसिकरित्या दुर्बळ होतात आणि अनेक आजार त्यांना होतात. तर काही महिला यातून बाहेर पडतात परंतु आपल्या नवीन साथीदाराबाबत ओव्हर प्रोटेक्टिव्ह होतात. स्वतःच्या वैवाहिक आयुष्याबद्दल खूप विचार करायला लागतात. यातून त्यांचे वैवाहिक आयुष्य धोक्यात येण्याची शक्यता असते. हे सगळं टाळण्यासाठी मुलींनो तुम्ही विवाहित पुरुषांच्या प्रेमात पडू नका, त्यांच्यापासून दूर रहा. त्याला कितीही अडचणी असल्या तरी त्यात तुम्ही फार गुंतून पडू नका.
from Marathi Bollywood News, Marathi Cinema News https://ift.tt/3lzObA3
