पुणे टाइम्स टीम गेले काही महिने मनोरंजनसृष्टीत लग्नसराईचा धडाका सुरू आहे. मराठी चित्रपटसृष्टीतले अनेक कलाकार विवाहबंधनात अडकले. मालिका क्षेत्रापासून अगदी चित्रपटांच्या दुनियेतल्या हॅप्पी कपल्सनं श्री व सौ होत चाहत्यांना आनंदाच्या बातम्या दिल्या. मराठी बिगबॉसच्या सिझन दोनचा विजेता अभिनेत्री वीणा जगतातसोबत नात्यात आहे. त्यांचं प्रेम बिगबॉसच्या घरात फुललं. त्यानंतर अनेकदा त्यांच्या एकत्र फोटोंना चाहत्यांची दाद मिळाली. मध्यंतरी शिव आणि वीणा वेगळे झाले आहेत का, अशा वावड्या उठल्या. दुसरीकडे हे दोघं लग्न कधी करणार, असा प्रश्न त्यांच्या चाहत्यांना पडला आहे. त्यावर उत्तर देत शिवनं या चर्चांना पूर्णविराम दिला आहे. तो म्हणाला, ‘वीणा आणि मी सध्या खूप वेगवेगळ्या पद्धतीचं काम करत आहेत. ती मालिकेच्या कामात व्यग्र आहे आणि मी माझ्या. लॉकडाउननंतर आम्ही दोघंही लॉंग डिस्टन्स रिलेशनशिपमध्ये आहेत. अंतर वाढलं की वाद होतात, रुसवे फुगवे होतात, एकमेकांची समजून काढणंही होतं आणि त्यामुळे प्रेमही वाढतं. सध्या करिअरवर लक्ष केंद्रित करून योग्य त्या वेळी लग्नाचा विचार करून लग्नबांधनात अडकायला आवडेल.’
from Marathi Bollywood News, Marathi Cinema News https://ift.tt/2OiBTQt
