मुंबई- दाक्षिणात्य सुपरस्टार सध्या सोशल मीडियावर प्रचंड चर्चेत आहे. त्याचा आगामी चित्रपट ' २' लवकरच प्रेक्षकांच्या भेटीला येणार आहे. प्रेक्षकांना या चित्रपटाचा दुसरा भाग मोठ्या पडद्यावर पाहण्याची उत्सुकता तर आहेच, पण सध्या चित्रपटाच्या पहिल्या भागाच्या चर्चा प्रेक्षकांमध्ये जास्त रंगल्या आहेत. त्याला कारणही तसंच आहे. यशचा 'केजीएफ' चित्रपट प्रदर्शनासाठी तयार असताना बॉलिवूडच्या बादशहाचा म्हणजेच याचा 'झिरो' चित्रपटही प्रदर्शनासाठी सज्ज होता. केजीएफ सिनेमाचं हिंदी डबिंगही त्याचवेळी प्रदर्शित होणार होतं. आता शाहरुखचा चित्रपट प्रदर्शित होणार त्याच दिवशी हिंदीत केजीएफ आणावा का या विचारात निर्माते होते. केजीएफ चित्रपट कन्नड, तामिळ, तेलगू, मल्याळम आणि हिंदी या भाषांमध्ये भाषांतरित करून चित्रपटगृहात प्रदर्शित केलं जाणार होतं. झिरो आणि केजीएफ हे दोन्ही सिनेमे एकत्र प्रदर्शित होऊ नये असं अनेकांना वाटत होतं. अनेकांनी यशला त्याचा चित्रपट शाहरुखच्या चित्रपटासोबत प्रदर्शित न करण्याचा सल्ला दिला. कारण याचा केजीएफच्या कमाईवर परिणाम होईल असंच साऱ्यांना वाटत होतं. पण प्रत्यक्षात मात्र काहीसं उलटंच झालं. असं असलं तरी यशने त्याचा निर्णय बदलला नाही. त्याने शाहरुखच्या 'झिरो' ला टक्कर देत चित्रपट प्रदर्शित केला. त्याचा परिणाम म्हणजे 'झिरो' बॉक्स ऑफिसवर जोरदार आपटला आणि 'केजीएफ' ने नवीन इतिहास रचला. केजीएफ चित्रपटाबद्दल फारसं कोणालाही माहीत नव्हतं. शिवाय मुंबईत चित्रपटाचं प्रमोशनही करण्यात आलं नव्हतं. असं असताना या सिनेमाने मुंबई चित्रपटगृहांमध्ये अधिराज्य गाजवलं होतं. २०१८ साली प्रदर्शित झालेल्या 'केजीएफ' ची जादू अजूनही प्रेक्षकांच्या मनातून उतरली नाहीये. या चित्रपटाने बॉलिवूडमध्ये तेव्हा इतका धुमाकूळ घातला होता की, प्रत्येकाच्या तोंडावर अभिनेता यशचं नाव होतं. त्यानंतर बॉलिवूडमध्ये यशच्या चाहत्यांच्या संख्येत प्रचंड वाढ झाली. लोकांनी त्याचा चित्रपट अक्षरशः डोक्यावर घेतला. या चित्रपटाने बॉक्स ऑफिसवर कमाईचे अनेक रेकॉर्ड तोडले. लवकरच या सिनेमाचा दुसरा भाग प्रदर्शित होणार आहे. 'केजीएफ २' १६ जुलै रोजी सिनेमागृहात प्रदर्शित होणार आहे. यावेळी यशसोबत रविना टंडण, संजय दत्त अशी तगडी बॉलिवूडची कास्टही सिनेमात असणार आहे. बिग बजेट सिनेमाचा पुढचा भाग पाहण्यासाठी यशचे चाहते फारच उत्सुक आहेत. तसेच हा सिनेमा पहिल्या भागाचे रेकॉर्ड मोडतो की नाही ते पाहणंही उत्सुकतेचं असणार आहे.
from Marathi Bollywood News, Marathi Cinema News https://ift.tt/30WRk3z
