मुंबई ‘अभिषेक च्या मनात आपल्याविरोधात कान भरत असल्यानेच तो माझ्याविरोधात जाऊन वागत आहे आणि माझी इमेज खराब करत असल्याचे प्रसिद्ध अभिनेता यांनी सांगितले आहे. यामुळे गोविंदा आणि त्यांचा भाचा अभिषेक यांच्यात प्रदीर्घ काळापासून सुरू असलेला वाद अधिकच चिघळला आहे. हा वाद इतका टोकाला गेला आहे की, ते दोघेही एकमेकांशी बोलत नाहीत किंवा समोरासमोर येत नाहीत. कपिल शर्माच्या शोमध्ये अभिषेक कृष्णा 'सपना' ची भूमिका साकारतो. या दोघांमध्ये सुरू असलेल्या वादावर गोविंदा यांनी टाइम्स ऑफ इंडियाला दिलेल्या मुलाखतीमध्ये सांगितले की, वास्तविक कृष्णा हा माणूस म्हणून चांगला आहे परंतु आमच्यात गैरसमज निर्माण करण्याच्या हेतूने कुणीतरी त्याची जाणीवपूर्वक दिशाभूल करत आहे. त्यामुळेच गेल्या काही दिवसांपासून तो माझी केवळ मस्करी करत नाही तर सर्वांसमोर माझी इमेजदेखील खराब करत असल्याचे दिसून आले आहे. कृष्णाचे करिअर घडवण्यासाठी मदत केल्याची शिक्षा तर आपल्याला मिळत नाही ना, असा प्रश्नही त्यांनी उपस्थित केला आहे. कारण सध्या बॉलिवूडमधील नेपोटिझमच्या पार्श्वभूमीवर असे प्रकार घडत असल्याचेही त्यांनी सांगितले. गेल्यावर्षी गोविंदा यांनी कृष्णा अभिषेकबरोबरच्या वादासंदर्भात प्रसिद्ध केलेल्या निवेदनामध्ये या संदर्भात जाहीरपणे आपल्याला काहीही बोलायला आवडत नसल्याचे सांगितले होते. आता मात्र त्यांनी या मुलाखतीमधून आपली मते व्यक्त केली आहेत. ते म्हणाले की, प्रसिद्ध कॉमेडियन कपिल शर्माच्या शोमध्ये दोन वेळा गेलो होते, त्यावेळी कृष्णा या दोन्ही भागामध्ये सहभागी झाला नव्हता. त्यानंतर त्याने आमच्या दोघांमधील नातेसंबधांवर अपमानास्पद अशी प्रतिक्रिया व्यक्त केली होती. कृष्णा अभिषेक आणि त्याची पत्नी कश्मीरा शाह यांनी प्रसिद्धीमाध्यमासमोर आपल्याविरोधात बोलले असल्याचेही गोविंदा यांनी सांगितले. तसेच 'जे लोकं मला आवडत नाहीत त्यांच्यापासून मी लांब राहतो आणि ज्यांना मी आवडत नाही अशांनी माझ्यापासून लांब रहावे,' असेही अभिषेक कृष्णाने एका निवेदनातून जाहीरपणे सांगितल्याचे गोविंदा म्हणाले. ते पुढे म्हणाले, कुटुंबामध्ये मतभेद होत असतात, परंतु ते मतभेद मिडीयासमोर आणल्यामुळे अनेक अडचणी निर्माण होता आणि त्या सोडवता येत नाहीत. माझ्याबद्दलही अनेकांच्या मनात गैरसमज निर्माण झाले आहेत, त्यासाठी मी काही करू शकत नाही.
from Marathi Bollywood News, Marathi Cinema News https://ift.tt/3cAM8HI
