मुंबई: 'सैराट' फेम परश्या म्हणजेच अभिनेता नेहमीच सोशल मीडियावर चर्चेत असतो. आकाश सोशल मीडियावर बराच सक्रिय आहे. अनेकदा तो इन्स्टाग्रामवर त्याच्या आगामी चित्रपटांविषयीचे अपडेट आणि फोटो शेअर करतो. जे सोशल मीडियावर व्हायरल झालेले पाहायला मिळतात. काही दिवसांपूर्वीच आकाश ठोसरची वेब सीरिज '१९६२ : द वॉर इन द हिल' रिलीज झाली. त्या वेब सीरिजच्या डबिंगचा एक व्हिडीओ आकाशनं इन्स्टाग्रामवर नुकताच शेअर केला ज्याची सध्या सोशल मीडियावर चर्चा सुरू आहे. आकाश ठोसरची वेब सीरिज '१९६२ : द वॉर इन द हिल' २६ फेब्रुवारीला ओटीटी प्लॅटफॉर्म हॉटस्टारवर रिलीज झाली. या वेब सीरिजचा कथा १९६२च्या भारत-चीन युद्धावर आधारित आहे. ज्या युद्धा १२५ भारतीय सैनिकांनी ३००० चीनी सैनिकांचा समाना केला. या वेब सीरिजचं दिग्दर्शन महेश मांजरेकर यांनी केलं असून या वेब सीरिजमध्ये अभय देओलसोबतच आकाश ठोसरचीही महत्त्वपूर्ण भूमिका आहे. आकाशनं त्याच्या इन्स्टाग्रामवर नुकताच या वेब सीरिजच्या डबिंगचा एक व्हिडीओ शेअर केला आहे. ज्याची चर्चा सध्या सोशल मीडियावर होताना दिसत आहे. या व्हिडीओमध्ये आकाश ठोसर स्टुडिओमध्ये वॉइस डबिंग करताना दिसत आहे. पण हे करणं अजिबात सोपं नाही असं आकाश सांगतो. अर्थात त्याचा हा व्हिडीओ पाहिल्यावर यासाठीही किती घाम गाळावा लागतो हे लक्षात येतं. या व्हिडीओमध्ये आकाश पूर्ण जोशात आपलं काम करताना दिसत आहे. आकाश ठोसरनं २०१६मध्ये आलेल्या 'सैराट' चित्रपटातून मराठी चित्रपटसृष्टीत पदार्पण केलं होतं. त्याचा पहिलाच चित्रपट तुफान गाजला. त्यानं साकारलेल्या परश्याच्या भूमिकेला प्रेक्षकांनी अक्षरशः डोक्यावर घेतलं होतं. त्यानंतर त्यानं काही बॉलिवूड चित्रपटात आणि हिंदी वेब सीरिजमध्येही काम केलं आहे. त्याच्या वर्कफ्रंट बद्दलायचं तर तो शेवटचा '१९६२ : द वॉर इन द हिल' दिसला आहे. याशिवाय लवकरच तो नागराज मंजुळे दिग्दर्शित आणि अमिताभ बच्चन यांची मुख्य भूमिका असलेला चित्रपट 'झूंड'मधून प्रेक्षकांच्या भेटीला येत आहे. विशेष म्हणजे या चित्रपटात त्याच्यासोबत आर्ची म्हणजेच रिंकू राजगुरू सुद्धा दिसणार आहे.
from Marathi Bollywood News, Marathi Cinema News https://ift.tt/3euplQK
