मुंबई: बॉलिवूड अभिनेता आणि त्याची कथित गर्लफ्रेंड सोशल मीडियावर नेहमीच चर्चेचा विषय ठरतात. काही दिवसांपूर्वीच मालदीव व्हेकेशन ट्रीपमुळे हे दोघंही सोशल मीडियावर चर्चेत आले होते. त्यानंतर आता या दोघांच्या एका मुलाखतीचा जुना व्हिडीओ सोशल मीडियावर व्हायरल झाला आहे. ज्यात या दोघांनीही त्यांच्या पहिल्या भेटीबद्दल सांगितलं आहे. सध्या दिशा तिचा आगामी चित्रपट 'राधे' चित्रपटामुळे चर्चेत आहे. टायगर श्रॉफचा चित्रपट 'बागी २'च्या रिलीजच्या आधी टायगर आणि दिशानं 'झूम' टीव्हीला एक मुलाखत दिली होती यावेळी त्यांना त्यांच्या पहिल्या भेटीबद्दल विचारण्यात आलं होतं. जेव्हा टायगर आणि दिशा पहिल्यांदा एकमेकांना भेटले होते. त्यावेळी त्यांची पहिली रिअॅक्शन काय होती असा प्रश्न विचारण्यात आला होता. यावर उत्तर देताना टायगरनं खूपच मजेशीर उत्तर दिलं. टायगर म्हणाला, 'मी जेव्हा पहिल्यांदा दिशाला पाहिलं होतं त्यावेळी माझी नजर सर्वात आधी तिच्या चेहऱ्यावर गेली आणि मी मनातच म्हटलं ही किती सुंदर आहे. नंतर हळूहळू मी तिच्या पायांकडे पाहिलं, तर ती लंगडत होती. तिच्या पायाला प्लॅस्टरसारखं काहीतरी लागलं होतं.' टायगरचं बोलणं ऐकून दोघंही हसू लागले. जेव्हा हा प्रश्न दिशाला विचारण्यात आलं तेव्हा तिनं फक्त 'क्यूट' असं उत्तर दिलं. याच मुलाखतीत टायगर आणि दिशाला आणखी काही प्रश्न विचारले होते. ज्यात टायगरनं हॉरर चित्रपट पाहणं अजिबात आवडत नाही असं सांगितलं. टायगर म्हणला, 'हॉरर चित्रपट पाहल्यानंतर मला झोप लागत नाही आणि मी रात्री एकटा कुठेच जाऊ शकत नाही.' यासोबतच त्यानं सांगितलं की, त्याला बालपणापासूनच फुटबॉलपटू व्हायचं होतं. बॉलिवूडमध्ये येणं माझ्यासाठी खूप मोठं चॅलेंज होतं. मी जॅकी श्रॉफ यांचा मुलगा आहे याचं खूप मोठं दडपण होतं.
from Marathi Bollywood News, Marathi Cinema News https://ift.tt/3dWt3l7
