मुंबई: दिग्दर्शक आणि डान्स कोरिओग्राफर याचा आज वाढदिवस. प्रभुदेवाचं करिअर तर दमदार राहिलं पण या दरम्यान त्याचं खासगी आयुष्य मात्र बरंच चर्चेत राहिलं. विवाहित आणि तीन मुलांचा बाबा असलेला प्रभुदेवा दाक्षिणात्य अभिनेत्री नयनताराच्या प्रेमात पडला. हे गोष्ट फक्त प्रेमापुरतीच मर्यादित राहिली नाही तर लग्नापर्यंत सुद्धा पोहोचली होती. ज्याचा किस्सा सर्वांनाच हैराण करणारा ठरला. एवढंच नाही तर नयनतारानं प्रभुदेवाशी लग्न करण्यासाठी त्याच्या पत्नीला ३ कोटी रुपये दिले होते असं बोललं जातं. तिनं प्रभुदेवाची पत्नी लताकडे या लग्नासाठी परवानगी सुद्धा मागितली होती. प्रभुदेवाचं वैवाहिक आयुष्य त्यावेळी सर्वाधिक चर्चेत आलं होतं जेव्हा तो दाक्षिणात्य अभिनेत्री नयनताराच्या प्रेमात पडला होता. प्रभुदेवानं १९९५ मध्ये रामलताशी लग्न केलं होतं. रामलताला लता म्हणूनही ओळखलं जातं. लता आणि प्रभुदेवा यांना तीन मुलं आहेत. दरम्यान २००८ मध्ये कॅन्सरमुळे त्याचा मुलगा विशालचं निधन झालं. प्रभुदेवाच्या वैवाहिक आयुष्यात सर्वकाही ठिक चाललं होतं आणि अशातच त्याच्या आयुष्यात नयनताराची एंट्री झाली. त्यानंतर त्याचं कुटुंब आणि संसार अशाप्रकारे तुटला की तो त्याला कधीच सावरू शकला नाही. प्रभुदेवा आणि यांच्यातील जवळीक वाढत गेली आणि दुसरीकडे त्याचे त्याच्य पत्नीसोबतचे संबंध बिघडत गेले. हे नातं पुढे इतकं बिघडलं की, नंतर या दोघांनी सुद्धा वेगळं होण्याचा निर्णय घेतला. लताचं पती प्रभुदेवावर खूप प्रेम होतं. तिनं एक पत्नी म्हणून हे लग्न वाचवण्याचा पूर्ण प्रयत्न केले पण असं काही घडलं नाही अखेर हे नातं तुटलंच. एका मुलाखतीत लतानं नयनतारानं तिला कॉल केल्याचं म्हटलं होतं. यावेळी नयनतारानं तिच्याकडे प्रभुदेवाशी लग्न करण्याची परवानगी मागितली होती. लतानं नयतारावर आपला संसार मोडल्याचा आरोप सुद्धा केला होता. प्रभुदेवा आणि नयनतारा एकमेकांच्या प्रेमात आकंठ बुडाले होते की त्यांना कोणत्याच गोष्टीचा फरक पडत नव्हता. त्यावेळी या दोघांचीच सगळीकडे चर्चा होती. एक अफवा अशीही ऐकीवात होती की, नयनतारानं प्रभुदेवाशी लग्न करण्यासाठी लताला ३ कोटी रुपये, काही सोन्याची नाणी आणि ८५ लाखांचा एक नेकलेस भेट म्हणून दिला होता. काही काळ दबक्या आवाजात सुरू असलेल्या चर्चा नंतर खुलेपणानं होऊ लागल्या. एकदा प्रभुदेवानं स्वतःच प्रसार माध्यामासमोर नयनतारा माझ्यासाठी खूप खास आहे आणि मी तिच्याशी लग्न करणार आहे असं म्हटलं होतं. यासोबत मला माझं पर्सनल लाइफ कोणासमोर मांडायला आवडत नाही असंही म्हटलं होतं. एकीकडे आपल्या रिलेशनशिपवर प्रभुदेवा कमी बोलताना दिसत होता तर दुसरीकडे नयनतारानं तिच्या हातावर प्रभूदेवाच्या नावाचा टॅटू काढून घेतला होता. पण लताला घटस्फोट दिल्यानंतर नयनताराशी लग्न करणार असलेल्या प्रभुदेवाच्या आयुष्यात असं काही घडलं की, नयनतारा स्वतःच त्याच्यापासून दूर झाली आणि २०१५मध्ये तिनं विग्नेश शिवनशी लग्न केलं.
from Marathi Bollywood News, Marathi Cinema News https://ift.tt/3uaOR1U
