मुंबई- बॉलिवूडमधील ज्येष्ठ अभिनेत्री आणि खासदार यांना ब्लॅड कॅन्सर झाल्याची बातमी आली. ही बातमी मिळाल्यानंतर किरण खेर या लवकर बऱ्या व्हाव्यात यासाठी त्यांच्या चाहत्यांनी प्रार्थना करायला सुरुवात केली आहे. चाहत्यांनी व्यक्त केलेल्या शुभेच्छा आणि ते करत असलेल्या प्रार्थना पाहून किरण यांचे पती अभिनेते यांनी त्यांचे आभार मानले आहेत. सोशल मीडियावर आपल्या चाहत्यांचे आभार मानणारा व्हिडीओ त्यांनी पोस्ट केला आहे. अनुपम आपल्या व्हिडीओमध्ये म्हणातात की, 'तुम्ही सर्वांनी व्यक्त केलेल्या शुभेच्छा, प्रार्थनांसाठी मनापासून धन्यवाद. तुम्ही किरणजींसाठी ज्या प्रार्थना केल्या आहेत त्यामुळे त्या लवकर बऱ्या होतील. तुमचे प्रेम आणि दिलासा देणाऱ्या शुभेच्छांमुळे आमचे मनोधैर्य वाढले आहे. आम्हांला विश्वास आहे की, किरण या आजाराला हरवून नक्कीच यशस्वीपणे बाहेर येतील. तुम्ही सर्वांनी आम्हाला खूप मानसिक आधार दिला आहे, त्यासाठी मी मनापासून आभारी आहे. माझ्याकडून, किरणकडून आणि सिकंदरकडून तुम्हा सर्वांचे पुन्हा एकदा आभार. ज्यांच्या कुटुंबातील सदस्य अशा आजाराविरोधात लढत आहेत त्यांसाठीही मी प्रार्थना करतो की ते देखील यातून लवकर बरे होतील. नमस्कार, धन्यवाद! ' अनुपम यांनीच दिली आजारपणाची माहिती अनुपम खेर यांनी किरण यांच्या आजाराबद्दल सांगणारी ट्विटरवर एक मोठी नोट शेअर केली होती. 'कोणत्याही प्रकारच्या अफवा पसरू नयेत यासाठी मी हे शेअर करत आहे. मी आणि सिकंदर तुम्हांला सांगू इच्छितो की, किरणला मल्टीपल मायलोमा, म्हणजे एक प्रकारचा ब्लड कॅन्सर झाला आहे. त्यावर उपचार सुरू आहेत आणि आम्हाला विश्वास आहे की किरण ठणठणीत आणि आधीपेक्षा अधिक कणखर होऊन परतणार आहे.' सर्वोत्तम डॉक्टर करत आहेत उपचार या नोटमध्ये अनुपम यांनी लिहिले की, 'आम्ही खूप नशीबवान आहोत की किरणवर सर्वोत्तम डॉक्टरांची टीम उपचार करत आहे. किरण पहिल्यापासूनच लढवय्यी होती आणि ती आताही लढणार आहे.'
from Marathi Bollywood News, Marathi Cinema News https://ift.tt/3miBBFv
