मुंबई: सध्या देशात करोनाचं संक्रमण मोठ्याप्रमाणावर होताना दिसत आहे. अनेक लोकांचा मृत्यू झाला आहे. अशात अनेक बॉलिवूड सेलिब्रेटींनी गरजू लोकांना मदतीचा हात दिला आहे. सलमान खान, अक्षय कुमार, ट्विंकल खन्ना या बॉलिवूड कलाकारांमध्ये आता अभिनेता सुनील शेट्टीचाही समावेश झाला आहे. सुनील शेट्टीनं आता गरजूंना मोफत ऑक्सिजन कन्सन्ट्रेटर्स देणाची घोषणा केली आहे. याची माहिती त्यानं आपल्या सोशल मीडियावर हॅन्डलवरून दिली आहे. सुनील शेट्टीनं आपल्या ट्वीटमध्ये लिहिलं, 'आपण कठीण काळातून जात आहोत पण आता आपल्या लोकांनी एकमेकांच्या मदतीसाठी हात पुढे केला आहे हा एक आशेचा किरण आहे. सर्व मित्रांना आणि चाहत्यांनी मी आवाहन करतो जर तुम्हाला मदतीची गरज आहे, किंवा दुसऱ्या कोणाला मदतीची गरज असल्याचं तुम्हाला माहीत असेल किंवा तुम्हाला या मोहीमेत सहभागी व्हायचं असेल तर मला थेट मेसेज करा आणि हा मेसेज सर्वांपर्यंत पोहोचवा आणि लोकांची मदत कण्यामध्ये मला सहाय्य करा.' अभिनेता अक्षयकुमारने या करोनाच्या संकटकाळात गरजू लोकांना मदत करायला सुरुवात केली आहे. गेल्यावर्षीही त्याने गरजू लोकांना मदत केली होती. या ही वेळी त्याने या संकटकाळात अडकलेल्या लोकांना गौतम गंभीरच्या संस्थेकडून मदत करणाऱ्या संस्थेला एक कोटी रुपयांची आर्थिक मदत केली आहे. गौतमने स्वतः ही माहिती सोशल मीडियावर दिली आहे. याशिवाय त्यानं आणि त्याच्या पत्नीनं २२० ऑक्सिजन सिलेंडरची सोय केली आहे. याशिवाय सलमान खाननेही या करोनाकाळात फ्रंटलाइनवर काम करणाऱ्या कर्मचाऱ्यांना मदतीचा हात देऊ केला आहे. या कर्मचाऱ्याना सलमानच्या संस्थेतर्फे जेवण देण्याचे काम केले जात आहे.
from Marathi Bollywood News, Marathi Cinema News https://ift.tt/2R5rWXu
