मुंबई: करोना व्हायरसच्या दुसऱ्या लाटेत अनेकांचा मृत्यू झाला आहे. मनोरंजन क्षेत्रातील अनेक कलाकारांनी या व्हायरसमुळे निरोप घेतला तर अनेकांनी आपल्या आप्तेष्टांना गमावलं आहे. '' या मालिकेत टप्पूची भूमिका साकारणारा अभिनेता याच्याही वडिलांचं करोना व्हायरसमुळे निधन झालं आहे. वडिलांच्या निधनानं भव्य आणि त्याच्या कुटुंबीयांवर दुःखाचा डोंगर कोसळला आहे. भव्य गांधी याच्या वडिलांना काही दिवसांपूर्वीच करोनाची लागण झाल्यानं रुग्णालयात दाखल करण्यात आलं होतं. अखेरच्या काही दिवसांत त्यांची तब्येत ढासळल्यानं त्यांना व्हेंटिलेटरवर ठेवण्यात आलं होतं. पण करोनाची ही लढाई ते जिंकू शकले नाहीत. मुंबईतील कोकिलाबेन रुग्णालयात भव्यचे वडिल यांनी अखेरचा श्वास घेतला. ते एक बांधकाम व्यवसायिक होते. दरम्यान विनोद गांधी यांच्या निधनानंतर त्यांच्या संपूर्ण कुटुंबाला खूप मोठा धक्का बसला आहे. विनोद गांधी यांच्या पश्चात त्यांची पत्नी यशोदा आणि त्यांची दोन मुलं निश्चित आणि भव्य असा परिवार आहे. काही दिवसांपूर्वीच 'तारक मेहता...'मधील गोगीची भूमिका साकरणारा अभिनेता समय शाह याच्या बहिणीची विवाहसोहळा पार पडला. वडिलांची परिस्थिती गंभीर असल्यानं या सोहळ्याला भव्यनं व्हिडीओ कॉलिंगद्वारे हजेरी लावली होती. भव्य गांधीला 'तारक मेहता का उल्टा चश्मा' या मालिकेनं बरीच लोकप्रियता मिळवून दिली होती. २०१७ मध्ये त्यानं ही मालिका सोडली. पण या मालिकेत त्यानं साकारलेली तिपेंद्र उर्फ टप्पू ही भूमिका बरीच गाजली होती. तो घराघरात ओळखला जाऊ लागला. जवळपास ९ वर्ष भव्यनं या मालिकेसाठी काम केलं. मालिका सोडल्यानंतर तो मालिकेतील कलाकरांच्या संपर्कात असल्याचं त्याच्या सोशल मीडिया पोस्टवरून दिसून येतं. ऑनस्क्रीन आई-बाबा दिशा वकानी आणि दिलीप जोशी यांच्याशी त्यांचं चांगलं बॉन्डिंग आहे.
from Marathi Bollywood News, Marathi Cinema News https://ift.tt/33xUA6G
