नवी दिल्ली : महामारीच्या संकटात मेडिकल सर्वात महत्त्वाची गोष्ट झाली आहे. वाढत्या रुग्ण संख्येसोबतच ऑक्सिजनचा तुटवडा जाणवत आहे. ऑक्सिजन अभावी अनेकांना प्राण देखील गमवावे लागले आहे. याच पार्श्वभूमीवर आता दोन पुढे आल्या असून, केवळ १ रुपयामध्ये ऑक्सिजन देत आहेत. यासाठी फक्त एक ईमेल करावा लागेल. वाचाः नोएडा येथील एनजीओ चॅलेंजर्स ग्रुप आणि वॉइस ऑफ स्लमने जे करोनारुग्ण घरीच उपचार घेत आहे त्यांच्यासाठी मदतीचा हात पुढे केला आहे. आर्थिक स्थिती चांगली नसलेल्या लोकांना या एनजीओ केवळ १ रुपयांमध्ये उपलब्ध करून देत आहे. हे ऑक्सिजन कॉन्संट्रेटर १० ते १५ दिवसांसाठी उपलब्ध केले जाते. वॉइस ऑफ स्लमचे संस्थापक देव प्रताप यांनी माहिती दिली की, आता ५० कॉन्संट्रेटर मागवण्यात आले आहेत. यासोबतच मोठ्या प्रमाणात कॉन्संट्रेटरची ऑर्डर देण्यात आली आहे. चॅलेंजर्स ग्रुपचे अध्यक्ष प्रिन्स शर्मा म्हणाले की, गरजू लोक ऑक्सिजन कॉन्संट्रेटरसाठी चॅलेंजर्स ग्रुपचा ईमेल आयडी Challengersgroupofficial@gmail.com आणि वॉइस ऑफ स्लमचा मेल आईडी Info@voiceofslum.org यावर संपर्क करू शकतात. वाचाः अर्ज करणाऱ्या लोकांना रुग्णाचे आधार कार्ड, ऑक्सिजन सॅच्यूरेशन रिपोर्ट, कोरोना रिपोर्ट, डॉक्टरची रिसिप्ट आणि कुटुंबातील व्यक्तीचे ओळखपत्र व मोबाइल नंबर पुरावा म्हणून द्यावे लागेल. एनजीओकडून डॉक्यूमेंट व्हेरिफिकेशन केल्यानंतर ऑक्सिजन उपलब्ध केले जाईल. दरम्यान, गेली दोन दिवसात देशातील करोनारुग्णांच्या संख्येत घट झाल्याचे पाहायला मिळाले आहे. नवीन रुग्णांच्या बाबतीत कर्नाटकने महाराष्ट्राला मागे टाकले आहे. महाराष्ट्रात सोमवारी ३७,२३६ नवीन रुग्ण आणि ५४९ रुग्णांचा मृत्यू झाला. करोनाच्या संकटात दुसऱ्या देशांकडून देखील मदत येत आहे. केंद्र सरकारने माहिती दिली की, ६७३८ ऑक्सिजन कॉन्संट्रेटर, ३८५६ ऑक्सिजन सिलेंडर, १६ ऑक्सिजन जनरेशन प्लांट, ४६६८ व्हेंटिलेटर/बाय पीएपी/सी पीएपी आणि ३ लाखांपेक्षा अधिक रेमडेसिव्हिर इंजेक्शन मदत स्वरूपात परदेशातून मिळाले आहे. या वस्तूंना गरजेनुसार इतर राज्यात पाठवले जात आहे. वाचाः वाचाः वाचाः
from Gadget News in Marathi: Computer, Mobile, Auto News in Marathi | Maharashtra Times https://ift.tt/3y11pvw
