मुंबई- चित्रपटांच्या चित्रीकरणादरम्यान दुखापत होण्याच्या घटना बॉलिवूडमध्ये अनेकदा घडत असतात. कधीकधी त्या घटना एवढ्या भीषण नसतात. परंतु, काही वेळेस अशा घटनांमुळे एखाद्या कलाकाराच्या जीवाला धोका निर्माण होतो. अशीच एक घटना बॉलिवूड अभिनेत्री सोबत घडली होती. परंतु, अभिनेता याने प्रसंगावधान दाखवत अनुष्काचा जीव वाचवला होता. ही घटना २०१० साली प्रदर्शित झालेल्या 'बदमाश कंपनी' या चित्रपटाच्या चित्रीकरणावेळची आहे ज्यात शाहिद आणि अनुष्का एकत्र झळकले होते. 'बदमाश कंपनी' या चित्रपटाचं चित्रीकरण पूर्ण झालं होतं. फक्त चित्रपटाच्या टायटलचं चित्रीकरण होणं बाकी होतं. मुंबईतील एम्स स्टुडिओमध्ये गाण्याच्या चित्रीकरणासाठी भलामोठा सेट उभारण्यात आला होता. सेटवर मोठमोठे झुंबर लावण्यात आले होते. गाण्याचं दिग्दर्शन अहमद खान करत होते. चित्रीकरणादरम्यान, अनुष्काला दोन पाऊलं चालून मोठ्या झुंबराच्या खाली येऊन उभं राहायचं होतं. चित्रीकरण सुरु झालं. जेव्हा अनुष्का चालत त्या झुंबराखाली गेली तेव्हा तिथे उपस्थित कोणाच्याही हे ध्यानीमनी नव्हतं की अशी काही दुर्घटना होऊ शकते. झुंबर पडायच्या आधी जवळच उभ्या असलेल्या शाहिदची नजर त्या झुंबरावर पडली. क्षणाचाही विलंब न करता शाहिद त्या झुंबराखाली धावत गेला आणि अनुष्काला स्वतःच्या अंगावर खेचून घेतलं. जेव्हा शाहिदने अनुष्काला जागेवरून बाजूला केलं त्याच्या दुसऱ्या क्षणी झुंबर खाली कोसळलं. आणखी काही सेकंद उशीर झाला असता तर ते अनुष्काच्या जीवावर बेतलं असतं. शाहिदने दाखवलेल्या चपळाईमुळे अनुष्काचा जीव वाचला होता. त्यानंतर अनुष्का शाहिदची खूप मोठी चाहती झाली आणि त्याचा आणखीनच मान ठेवू लागली.
from Marathi Bollywood News, Marathi Cinema News https://ift.tt/3hedR5d
